गत मंसिर २३ मा आब्हान गरिएको बिशेष साधारणसभामा गणपुरक संख्या नपुग्नुका साथै संचालकहरुबीचको बिबादका कारण रद्द भएको थियो । कम्पनीले हाल कायम एक शेयर बराबर साढे एक शेयरको आधारमा हकप्रद जारी गरेपछि चुक्ता पूँजी पच्चीस करोड पुग्ने छ । हाल दश करोड मात्र चुक्ता पूँजी रहेको सो कम्पनी प्रबद्र्दक रोजन्द्र खेतानको बदमासी, संचालकहरुबीचको बिबाद र चुक्ता पूँजी नपुगेका कारण बीमा समितिको कारबाहीमा परेको थियो ।
साधारणसभा आयोजना गर्ने क्रममा कम्पनीका संचालकहरुबीच बोनस शेयर जारी गर्ने कि हकप्रद जारी गर्ने भन्ने बिषयमा बिबाद देखिएको थियो ।
यसैबीच कम्पनीले चालु आर्थिक बर्षको दोस्रो त्रैमासको बित्तीय बिबरण सार्वजनिक गरेको छ । कम्पनीको खुद नाफा गत आर्थिक बर्षको दोस्रो त्रैमासको तुलनामा ७० प्रतिशतले घटेर ८७ लाख रुपैयाँ मात्र कमाएको छ । कम्पनीको प्रति शेयर आम्दानी ८ रुपैयाँ छ भने जगेडा कोषमा ११ करोड र बीमा कोषमा चार करोड ८८ लाख मात्र छ । जारी बीमा लेखको संख्या बढे पनि कुल बीमा शुल्क आर्जन रकम घटेको छ ।