प्राधिकरणको तथ्यांक अनुसार टेलिकमको टेलिफोन सेवामा १ करोड २० लाख ३२ हजार ३ सय २ प्रयोगकर्ता रहेका छन । त्यस्तै एनसेलको प्रयोगकर्ता १ करोड २१ लाख ३७ हजार ४ सय ८१ रहेको तथ्यांकमा उल्लेख गरिएको छ ।
इन्टरनेटमा भने एनसेलको तुलनामा एनटिसिको हिस्सा वढि रहेको छ । डाटा इन्टरनेटमा टेलिकमको बजार हिस्सा ५७.४३ प्रतिशत पुगेको छ भने एनसेलको ४०.२२ प्रतिशत बजार हिस्सा पुगेको छ ।
प्राधिकरणको तथ्यांक अनुसार कूल जनसंख्याको ९९.१२ प्रतिशतले दुर सञ्चार सेवा उपयोग गरेका छन । तर एउटै ग्राहकले विभिन्ने प्रदायकको सिम र सेवा प्रयोग गर्ने हुनाले प्रतिशत वढि देखिए पनि प्रयोगकर्ताको संख्या भने कम रहेको समाचार नागरिक दैनिकले प्रकाशन गरेको छ ।
