टेलिकमले पहिलो त्रैमासमा सेवा बिक्रि गरेर मात्र ९ अर्ब ४६ करोड रुपैंया आम्दानी गरेको छ । त्यसै गरि अन्य शिर्षकमा कम्पनीले १ अर्ब ६ करोड रुपैंया आम्दानी गरेको हो ।
पहिलो त्रैमासमा ३ अर्ब ३१ करोड रुपैंया खुद नाफा कमाएको टेलिकमले गत आर्थिक वर्षको सोही अवधिमा ३ अर्ब २३ करोड रुपैंया खुख कमाएको थियो । गत आर्थिक वर्षको सोही अवधिको तुलनामा टेलिकमको खुद नाफा ८ करोड रुपैंयाले बढेको हो ।
गत आर्थिक वर्षको पहिलो त्रैमासमा टेलिकमले १० अर्ब १० करोड रुपैंया आम्दानी गरेकोमा यस पटक ४२ करोड रुपैंया भन्दा बढी आम्दानी बढाएर १० अर्ब ५२ करोड रुपैंया पुगेको हो ।
टेलिकमले गत आर्थिक वर्षको तुलनामा खुद नाफामा वृद्धि गरेकोमा खर्च पनि त्यसै गरि बढेको छ । गत आर्थिक वर्षको पहिलो त्रैमासको अनुपातमा चालु आर्थिक वर्षको पहिलो त्रैमासमा टेलिकमको खर्च मात्र ४५ करोड रुपैंयाले बढेको छ । गत आर्थिक वर्षको उक्त अवधिमा ५ अर्ब ७६ करोड रुपैंया खर्च गरेको टेलिकमले चालु आर्थिक वर्षको पहिलो त्रैमासमा ६ अर्ब ११ करोड रुपैंंया खर्च गरेको छ ।
गत आर्थिक वर्षको चौथो त्रैमाससम्मको अवधिमा टेलिकमले १३ अर्ब ८७ करोड रुपैंया खुद नाफा कमाएको थियो । गत मंगलबार टेलिकमको प्रतिकित्ता शेयर ६ सय ४७ रुपैंयामा किनबेच भएको छ ।
.....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।
