४६ करोड ५७ लाख रुपैयाँ चुक्ता पूँजी रहेको कम्पनीले प्रभावित गाउँबासीका लागि पहिलो चरणमा मंसिर ९ गते देखि शेयर निश्काशनको आब्हानपत्र जारी गरेको हो । स्थानीयबासीले न्युनतम १० कित्ता अर्थात एक हजार रुपैयाँदेखि १० हजार कित्ता अर्थात १० लाख रुपैैयाँसम्म आबेदन गर्नसक्नेछन् । ५० हजार रुपैयाँ भन्दा माथिको रकम लगानीका लागि एकाउन्टपेयी चेक अनिबार्य गरिएको छ ।
जारी गरिए जत्ति शेयर बिक्रीको आबेदन परेमा मंसिर २३ गते नै शेयर आबेदन लिन बन्द गरिने छ भने माग बमोजिमका आबेदन परेन भने पुस १४ गतेसम्म आबेदन खुल्ला हुनेछ । आबेदनकर्ताहरुले खानीखोलाको कार्यालय, ईकुडोल र बिभोर बिकास बैंकको शाखा कार्यालय टीकाभैरबमा आबेदन पत्र प्राप्त गर्ने र बुझाउनसक्ने ब्यवस्था गरिएको छ । कम्पनीका मुख्य संस्थापक लगानीकर्ताहरुमा पशुपति ईनर्जी, बैदिक हाईड्रो, प्रभु बैंक, मिदास भट्टचन र स्वच्छ ईन्भेष्टमेन्ट रहेका छन् । प्रबद्र्धकहरुमा प्रभु समूहको बाहुल्यता देखिन्छ ।
आयोजनाले खानीखोलाबाट २ मेगावाट र टुंगुन ठोस्नेखोलाबाट ४.३६ मेगावाटा बिजुली उत्पादन गर्ने गरी आयोजना बनाईरहेको छ ।
अन्य जिल्लाबासीले जलबिद्युतको शेयरमा लगानीको अबसर धेरै अगाडि पाएको भए पनि ललितपुर जिल्लाबासीका लागि यो पहिलो अबसर हो । नेपालमा उर्जाको चरम अभाव रहेको बेला खानीखोला जलबिद्यतुतमा लगानी गर्नेले भबिष्यमा राम्रो प्रतिफल पाउनसक्ने अपेक्षा गरिएको छ । कम्पनी २०७४।०७५ सालमा गएर नाफामा जाने र लगानीकर्तालाई केही लाभांश बाड्नसक्ने अबस्थामा पुग्ने आँकलन गरिएको छ ।
...................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।