चुक्ता पूँजी बृद्धि गर्ने राष्ट्र बैंकको नीति अनुसार मर्जमा जान लागेका हुन । यी दुई बैंक गाभिएर बन्ने नयाँ बैंकको चुक्तापूँजी ३ अर्ब ४९ करोड पुग्नेछ । यी दुई बैंक गाभिएपछि बन्ने नयाँ बैंकले आगामी २ बर्षमा थप साढे चार अर्ब रुपैयाँ चुक्तापुँजी बढाउनु पर्ने देखिन्छ ।
सिद्धार्थ बैंकको चुक्तापूँजी २ अर्ब ४३ करोड ७४ लाख रुपैयाँ रहेको छ । सिद्धार्थले गतबर्षको मुनाफाबाट २० प्रतिशत बोनस शेयर दिने प्रस्ताव पारित गरिसकेको छ । यो सँगै सिद्धार्थको चुक्तापूँजी २ अर्ब ९२ करोड ४८ लाख रुपैयाँ पुगेको छ । बैंकले गतबर्ष ७६ करोड ३७ लाख रुपैयाँँ नाफा कमाएको थियो
त्यस्तै विजनेश युनिर्भसलको चुक्ता पुँजी रु. १ अर्व ५ करोड ६१ लाख रुपैयाँ रहेको छ । यो बैंकले गतबर्षको मुनाफाबाट १३ प्रतिशत बोनश शेयर वितरण गरेको थियो ।
सिद्धार्थ बैंक पनि मर्जरमा जाने भएपछि मर्जरमा जाने वाणिज्य बैंकको संख्या नौ पुगेको छ । यसअधि माछापुच्छे्रले जनता बैंकसँग, एनसीसीले इन्फ्रास्ट्रक्चर डेभलपमेन्ट बैंक, एपेक्स डेभलपमेन्ट बैंक, इन्टरनेसनल डेभलपमेन्ट बैंक र सुप्रिम डेभलपमेन्ट लगायतका चार वटा वित्तीय संस्थासँथ गाभ्ने सम्झौता गरेको छ ।
त्यस्तै बैंक अफ काठमाडौ र लुम्बिनी बैंकले एक आपसमा गाभिने सम्झौता गरेका छन् ।
बैंक तथा वित्तीय संस्थाहरुलाई २०७४ असार मसान्तसम्म राष्ट्र बैंकले तोकेको न्यूनत्म चुक्तापुँजी बृद्धि गनुपर्नै दवाव छ । राष्ट्र बैंकले आगामी दुई बर्ष्िभत्र बाणिज्य बैंकलाई आठ अर्ब, राष्ट्रियस्तरको विकास बैंकलाई दुई अर्ब ५० करोड र फाइनान्स कम्पनीलाई ८० करोड पुँजी पुर्याउन निर्देशन दिइसकेको छ ।
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
