पहिलो त्रैमासमा कम्पनी ९७ लाख रुपैयाँ घाटामा थियो । पछिल्लो तीन महिनामा कम्पनीको घाटा २८ लाख रुपैयाँले बढेको छ । २४ करोड ३० लाख चुक्ता पुँजी भएको बरुण हाइड्रोपावर कम्पनीको जगेडाकोष ३ करोड १८ लाख ऋणात्मक रहेको छ । यसअवधिमा कम्पनीले कुनैपनि शिर्षकमा आम्दानी गरेको छैन् ।
गतबर्ष यसैअवधिमा विद्युत बिक्रीबाट एक करोड ७८ लाख आम्दानी गरेको कम्पनीको विद्यूत बिक्री ठप्प छ । गत जेठमा हेवा खोलामा आएको बाढी र पहिरोले कम्पनीको विद्युत उत्पादन प्रभावित भएको थियो । कम्पनीले पावर हावस मर्मतगरी यहि फागून १४ बाट संचालनमा ल्याएकाले आउने त्रैमासमा भने विद्युत बिक्रीबाट आम्दानी गर्ने देखिन्छ ।
कम्पनीको प्रति शेयर नेटवर्थ ८६ दशमलव ८८ रुपैयाँ रहेको छ भने तरलता अनुपात शुन्य दशमलव ८५ गुणा र प्रति शेयर कुल सम्पत्तिको मुल्य २ सय ४२ दशमलव ७७ रुपैयाँ रहेको छ । कम्पनीको प्रतिशेयर आम्दानी र मुल्य आम्दानी अनुपात निल भएको छ । हाल शेयरबजारमा बरुणको प्रतिकित्ता शेयर ३५० रुपैयाँको हाराहारीमा कारोबार भईरहेको छ ।
वरुण हाइड्रो संखुवासभा जिल्लाकै सबैभन्दा ठुलो जलविद्युत आयोजना हो । यो ४.५ मेगावाट क्षमताको छ । कम्पनीले बाढि पूर्व विद्युत बिक्रीबाट मात्र मासिक एक करोड बिस लाख रुपैयाँ आम्दानी गर्दे आएको थियो ।
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
