जीवन बीमा कम्पनीहरुको संख्या ९ भएपनि अहिले नेप्सेमा सुचिकृत भएर ८ वटा कम्पनीहरुको मात्र शेयर किनबेच भैरहेको छ ।यस क्रममा चुक्तापूँजीका आधारमा नेपाल लाइफइन्स्योरेन्स १ अर्ब ७३ करोड रुपैंयाका साथ पहिलो स्थानमा छ ।
बिमांकीय मूल्याड.कन नआईकन बिमा कम्पनीहरुको वास्तविक आम्दानी पत्ता नलाग्ने र प्रतिशेयर आम्दानी पनि थाहा पाउन असंभव रहन्छ । त्यसैले यहाँ देखाईएको खुद नाफा र प्रतिशेयर आम्दानीमा बदली हुने प्रसस्त संभावना रहन्छ ।
त्यसै गरि जीवन बीमा कम्पनीले दिने प्रतिफल, कम्पनीको जगेडा तथा बीमा कोषहरुको अवस्थाले पनि कुन कम्पनी कस्तो हो भन्ने कुरा जान्न र लगानी गर्ने बारे निर्णयमा पुग्न सहज बनाउँछ ।
बिमितहरुको संख्या, बीमा शुल्क आर्जन जस्ता कारोबारमा र्फलावट, दावी संख्या र दाबी भुक्तानी, संस्थागत सुशासनसम्बन्धी कुराहरु पनि निकै महत्वपूर्ण छन् । प्राईम लाईफ र कतिपय बीमा कम्पनीहरुको संस्थागत सुशासनमा समस्या आएपछि बीमा समितिले कारबाही गरेर सुधारात्मक निर्देशन दिएको अबस्था पनि छ र त्यो क्रम अझै पुरा भएको छैन ।
चालु आर्थिक वर्षको दोस्रो त्रैमासमा नेपाल लाइफ इन्स्योरेन्सले सबैभन्दा धेरै कमाई गरेको छ । चालु आर्थिक वर्षको दोस्रो त्रैमासमा नेपाल लाइफ इन्स्यारेन्सले १४ करोड ३९ लाख रुपैँया खुद नाफा गरेको छ ।
चुक्ताँ पूँजी १ अर्व ७३ करोड रहेको नेपाल लाइफ इन्स्योरेन्स कम्पनीको जगेडा कोषमा अरु जीवन बीमा कम्पनीको भन्दा धेरै रकम सञ्चित रहेको छ । सबैभन्दा कम रकम सुर्य लाइफ इन्स्योरेन्सको रहेको छ । कम्पनीको जगेडा कोषमा १ करोड २७ लाख रुपैयाँ रहेको छ ।
प्रतिशेयर आम्दानी नेशनल लाइफ इन्स्योरेन्सको सबेभन्दा धेरै रहेको छ । कम्पनीको प्रतिशेयर आम्दानी ३१ रुपैयाँ रहेको छ । लाइफ इन्स्योरेशन कर्पोरेशन नेपालले सबैभन्दा धेरै २ अर्व ९० करोड ६० लाख रुपैयाँ बीमा शुल्क आर्जन गरेको छ ।
सबैभन्दा थोरै बीमा शुल्क आर्जन गरेको गुराँस लाइफ इन्स्योरेन्सले ३३ करोड १२ लाख रुपैयाँ बीमा शुल्क आर्जन गरेको छ । त्यस्तै नेपाल लाइफ इन्स्योरेन्सको २७ अर्व ३५ करोड रुपैयाँ जीवन बीमा कोषमा रहेको छ भने सबैभन्दा थोरै सुर्य ला्इफ इन्स्योरेन्सको १ अर्व २६ करोड जीवन बीमा कोषमा रहेको छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
कहिले हुन्छ नेपाल उर्जामा आत्मनिर्भर ?