कोषले दिएको जानकारी अनुसार अहिले बाँडफाँड गराउन तिब्र रुपमा काम भैरहेको छ । मेरोलगानीसंग कुरा गर्दै कोषका प्रवक्ता शुसिल अर्यालले भने ‘शेयर बाँडफाँडको मोडेललाई अन्तिम रुप दि ने तयारी भैरहेको छ । अरु प्रकृयागत कामहरु सकिई सकेका छन्, चैत महिना भित्रमा शेयर बाँडफाँड गर्ने हाम्रो योजना छ ।’
प्रवक्त अर्यालका अनुसार केही दिनमा शेयर बाँडफाँडको मोडेल नेपाल धितोपत्र बोर्डमा पठाइने छ । त्यसको ३ दिन भित्रमा शेयर बाँडफाँड हुने छ । अहिलेको गतिमा नै यो काम अघि बढेको खण्डमा मात्र चैत मसान्तसम्ममा शेयर बाँडफाँड प्रकृया पुरा हुने उनको भनाई छ ।
चैत मसान्तमा नै बैंकको शेयर बाँडफाँड भएको खण्डमा बैंकको तेस्रो त्रैमासिक वित्तीय विबरणमा भारी परिवर्तन देखिनेछ । उसको जगेडा मात्र साढे ५ अर्ब रुपैंयाले बढ्नेछ भने चुक्ता पूँजी पनि वृद्धि हुनेछ । यसका साथै अन्य सुचांकमा पनि सकरात्मक परिवर्तन देखिने अवस्थाका कारण पनि चैत मसान्तमा शेयर बाँडफाँड गराउने तयारी गरिएको बुझिन्छ ।
गत फागुन ११ देखि १४ गतेसम्म निष्काशन गरिएको शेयरको बाँडफाँडका लागि नागरिक लगानी कोषसंग २ महिना अर्थात अबगामी बैशाख १४ गतेसम्मको समयसीमा छ । तर कोषले छिटो शेयर बाँडफाँड गरेर लगानीकर्ताको बन्धक बनेको रकम फिर्ता गराउने लक्ष्यका साथ प्रकृयालाई तिब्र बनाएको हो । प्रवक्ता अर्यालका अनुसार २९ वा ३० गते शेयर बाँडफाँड हुने करिब करिब पक्का छ ।
६ अर्ब ३४ करोड रुपैंया चुक्ता पूँजी रहेको बैंकको एफपिओ निष्काशन पश्चात चुक्ता पूँजी ७ अर्ब २५ करोड रुपैंया बढी हुनेछ । बैंकले ६०१ रूपैयाँमा एफपीओ जारी गरेकोमा झण्डै ४८ अर्ब रुपैयाँको आवेदन परेको थियो ।
शेयर नपरेको पैसा बैंक खातामा आउला कि नआउला ?
नगरिक लगानी कोषका अनुसार अहिले यसै सम्बन्धमा आवश्यक गृहकार्य भैरहेको छ । नेपाल इन्भेष्टमेण्ट बैंकको खाता विबरण उल्लेख गराएका सबै आवेदकको शेयर नपरेको पैसा सिधै बैंक खातामा जम्मा हुने व्यवस्था मिलाई सकिएको कोषका प्रवक्ता अर्यालले जानकारी दिए । उनका अनुसार अन्य बैंकको हकमा पनि कसरी सिधै बैंक खातामा रकम जम्मा गराउन सकिन्छ भनेर छलफल तथा लगानीकर्ताको तथ्यांक भिडाउने काम भैरहेको छ । सबै आवेदकको रकम बैंक खातामा पठाउन नसकिए पनि अधिकांसको रकम बैंक खातामा फिर्ता गराउने तयारीमा कोष लागेको उनले जानकारी दिए ।
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...............................................................................................................................................................
१५ करोडको साधारण शेयर निष्कासन गर्ने सीईडीबी हाइड्रोको तयारीे,कसुवाखोला आयोजनाको अध्ययन सुरु
