सोमबार सम्म नेपाल इन्स्योरेन्सको २ सय भन्दा बढी फर्म गएपनि जम्मा चारवटा आवेदन मात्र प्राप्त भएको सिद्धार्थ क्यापिटलले जनाएको छ । नेपाल बैंकले लिलामीमा राखेको नेपाल इन्स्योरन्सको शेयरमा आवेदन दिने मंगलबार अन्तिम दिन भएकाले धेरै संस्थागत लगानीकर्ताले सोही दिन आवेदन दिनगरी तयारी अवस्थामा रहेको बुझिएको छ ।
यसकारण मंगलबार साझसम्म मात्र आवेदकको बिषयमा वास्तविक विवरण दिन सकिने क्यापिटलका प्रमुख कार्यकारी ध्रुव तिमिल्सीनाले बताए । सोमबारसम्म २०० भन्दा बढी फर्म गएको छ उनले भने ।
त्यस्तै नेपाल बैंकले नै लिलामीमा राखेको तारा गाउँ रिजेन्सी होटलको ७ लाख कित्ता साधारण शेयरमा पनि सोमबार सम्म कुनै आवेदन प्राप्त भएको छैन । सोमबारसम्ममा ३०० भन्दा बढी फर्म बजारमा गएको भएपनि एउटा पनि फिर्ता नआएको तिमिल्सीनाले बताए । तारा गाँउको शेयरमा आवदेन दिने अन्तिम म्याद जेठ ९ गतेसम्म रहेको छ ।
नेपाल बैंकले नेपाल ईन्स्योरेन्सको १० लाख ३१ हजार ६७४ कित्ता संस्थापक शेयर न्युनतम मूल्य ४०० रुपैयाँमा बिक्री गर्ने निर्णय गरेको छ । यस शेयर बिक्रीबाट नेपाल बैंकले कम्तिमा ५० करोड आम्दानी गर्ने अपेक्षा गरिएको छ । शेयर बिक्रीका क्रममा मुल्य बढेर आबेदन भएमा यो रकम अरु थपिने संभावना छ ।
त्यसैगरी तारागाउँको शेयर बिक्रीबाट १५ करोड भन्दा बढी आम्दानी हुने अपेक्षा गरिएको छ । तारा गाउँ रिजेन्सी होटलको शेयर प्रति कित्ता दुई सय रुपैयाँमा नघटाई लगानीकर्ताले बोलपत्र पेश गर्नसक्नेछन् ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
