नेपाल बैंकले आफ्नो स्वामित्वमा रहेको नेपाल ईन्स्योरेन्सको १० लाख ३१ हजार ६७४ कित्ता संस्थापक शेयर लिलामीमा राखेको थियो । जसमा ५७ बोलपत्र मार्फत ६३ आवेदन परेको थियो ।
न्युनतम् मूल्य ४०० रुपैयाँमा तोकिएको शेयरमा न्युनतम् ४५७ रुपैयाँ देखि अधिक्तम ६३३ रुपैयाँसम्म बोलकबोल गर्नेले आवेदकले नेपाल इन्स्योरेन्सको शेयर पाएका छन् । बिक्री भएको शेयरको बाँडफाँड भने केहि दिनभित्रै गरिने सिद्धार्थ क्यापिटलले जनाएको छ ।
शेयरबजार बुधबार नेपाल इन्स्योरेन्सको प्रतिकित्ता शेयर ८६० रुपैयाँ पुगेको छ । साधारण शेयरको तुलनामा संस्थापक शेयरको मुल्य निकै कम हुने गरेपनि नेपाल बैंकले भने राम्रो मुल्यमा नेपाल इन्स्योरेन्सको संस्थापक शेयर बिक्री गरेको छ । औषदमा यो शेयरको मुल्य ४७७ रुपैयाँका दरले हिसाब गर्दा पनि नेपाल बैंकले झण्डै ५० करोड आम्दानी गरेको छ ।
सिद्धार्थ क्यापिटलका अनुसार नेपाल बैंकले लिलामीमा राखेको नेपाल इन्स्योरेन्सको शेयरमा व्यक्तीगत तथा कर्पोरेट लगानीकर्ताको धेरै आवेदन परेको थियो । जसमा विशेषगरी इन्भेष्टमेन्ट कम्पनीहरु, सेन्चुरी बैंक, म्युचलफण्ड, मुक्तीनाथ विकास बैंक, सूर्य लाइफ तथा नेपाल लाइफ लगायतका कम्पनीहरुले धेरै शेयर माग गरेका छन् ।
आफ्नो पूँजी कोष सुधारका लागि नेपाल बैंकले आफ्नो स्वामित्वमा रहेको नेपाल इन्स्योरेन्सको १० लाख ३१ हजार कित्ता संस्थापक शेयर लिलामीमा लगेको थियो । यो शेयर बिक्रीपछि बैंकलाई झण्डै ५० करोड रुपैयाँ बराबर आम्दानी हुनेछ जून बैंकको चौथौ त्रैमासीकमा गणना हुनेछ ।
त्यस्तै नेपाल बैंकले नै लिलामीमा राखेको तारा गाउँ रिजेन्सी होटलको ७ लाख कित्ता साधारण शेयर पनि लिलामीमा राखेको छ । तारा गाँउको शेयरमा आवदेन दिने अन्तिम म्याद जेठ ९ गतेसम्म रहेको छ । यसको बिक्री प्रबन्धक पनि सिद्धार्थ क्यापिटल नै रहेको छ ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................