साधारण शेयर निष्काशनको क्रम बाक्लिंदै गर्दा ग्रीन डेभलपमेण्ट बैंकले पनि शेयर निष्काशन गर्ने भएको हो । ३ साता अघि धितोपत्र बोर्डबाट शेयर निष्काशनको स्वीकृति पाएको बैंकले ४ करोड ५० लाख रुपैंया बराबरको ४ लाख ५० हजार कित्ता शेयर निष्काशन गर्न लागेको हो । खानी खोलाको साधारण शेयर नखुल्दै ग्रीन डेभलपमेण्ट बैंकको आइपिओ आएका कारण लगानीकर्तालाई आइपिओमा लगानीका लागि योजना बनाउन सहज भएको छ ।
बागलुङमा मुख्य कार्यालय रहेको ग्रीन डेभलपमेण्ट बैंकले ४ लाख ५० हजार कित्ता साधारण शेयर निष्काशन गरेको हो । साधारणशेयर निष्कासनका लागि बैंकले शेयर निष्कासन तथा बिक्री प्रबन्धकमा एनआइबिएल क्यापिटललाई नियुक्त गरेको छ । बैंकले एक सय रुपैयाँ अंकित दरका ४ लाख ५० हजार कित्ता साधारण शेयर २२ गतेदेखि निष्काशन गर्ने भएको हो । बागलुङमा मुख्य कार्यालय रहि ३ जिल्लामा सेवा दिंदै आएको बैंकले चुक्ता पूँजी १० करोड रुपैंया पुर्याउनका लागि साधारण शेयर निष्काशन गर्न लागेको हो । अहिले बैंकको चुक्ता पूँजी ५ करोड ५० लाख रुपैंया छ ।
बैंकले साधारण शेयर निष्काशनका दौरान प्रकाशित गरेको आह्वानपत्रको पुर्ण पाठ हेर्न यहाँ क्लिक गर्नुहोस् ।
कहाँ कहाँबाट दिन सकिन्छ आवेदन ?
एनआइबिएल क्यापिटलले दिएको जानकारी अनुसार न्युनतम ५० देखि अधिकतम १० हजार कित्तासम्मका लागि आवेदकले मुलुकभरका विभिन्न स्थानबाट आवेदन दिन सक्नेछन् । बैंकका कर्मचारीका लागि ९ हजार तथा संस्थागत लगानीकर्ताहरुका लागि २२ हजार ५ सय कित्ता शेयर यस अघि नै सुरक्षित गरिएको बैंकको साधारण शेयर निष्काशन छिटोमा जेठ २६ गते र ढिलोमा असार ५ गते बन्द हुने एनआइबिएल क्यापिटलले जनाएको छ ।
बैङकको अधिकृत पूँजी ५० करोड, जारी पूँजी १० करोड र चुक्ता पूँजी ५ करोड ५० लाख रुपैयाँ रहेको छ । साधारण शेयर निष्काशन पश्चात बैंकमा ५५ प्रतिशत संस्थापक तथा ४५ प्रतिशत सर्वसाधारको लगानी रहनेछ । संस्थापक तर्फको सम्पूर्ण रकम चुक्ता भइसकेको र साधारण शेयर जारी गरेपछि बैंकको चुक्तापूँजी १० करोड रुपैयाँ पुग्नेछ ।
बाग्लुङ, म्याग्दी र कास्की जिल्लामा वित्तीय सेवा दिंदै आएको बैंकले गत आर्थिक वर्षमा ११ लाख रुपैंया खुद नोक्सान व्यहोरेकोमा यस पटक त्यो नोक्सानलाई नाफामा रुपान्तरण गरि १३ लाख रुपैंया खुद नाफा कमाएको छ । ३३ करोड ६६ लाख रुपैंया निक्षेप संकलन गरेको बैंकले ९ महिनाको अवधिमा २६ करोड ९८ लाख रुपैंया कर्जा प्रवाह गरेको छ ।
बैंकको अवस्था कस्तो छ ? बिस्तृतमा विबरण पत्र हेर्न यहाँ क्लिक गर्नुहोस् ।
यस पटक साधारण शेयर निष्काशन गरि आगामी आर्थिक वर्षमा हकप्रद निष्काशन गरि राष्ट्र बैंकले तोकेको चुक्ता पूँजी ५० करोड रुपैंया पुर्याउने लक्ष्य बैंकले लिएको छ । यस क्रममा बैंकले एक वर्ष लगानीकर्तालाई अहिलेको जगेडा सुधार गर्न सकेको खण्डमा बोनस शेयर पनि बितरण गर्न सक्छ । अहिले बैंकको जगेडा कोष ८१ लाख ९३ हजार रुपैंयाले नकरात्मक छ ।
...............................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
१७ लाख ६१ हजार कित्ता साधारण शेयर निष्काशन गर्ने सिइडिबी हाइड्रोको तयारी, एन.सि.एम. मर्चेन्टसँग सम्र्झौता
