सम्झौतामा कोषका कार्यकारी निर्देशक रामकृष्ण पोखरेल र बैकका प्रमुख कार्यकारी अधिकृत देवेन्द्रप्रताप शाहले हस्ताक्षर गरेका छन । सम्झौता आदान प्रदान कार्यक्रममा कोषका कार्यकारी निर्देशक पोखरेलले २०७३ साउन देखी कोषको रकम केन्द्रिय खातामा जम्मा हुने बताए ।
सो अवसरमा कोषको तर्फबाट मुख्य व्यवस्थापक सुशील कुमार अर्याल, कर्मचारी वचत वृद्धि अवकास कोष महाशाखा प्रमुख हेमन्त पोखरेल र अधिकृत जनक राज कडेल तथा बैकको तर्फबाट नायव प्रमुख कार्यकारी अधिकृत दुर्गाराज रेग्मी, नायव महाप्रवन्धक अरविन्द श्रेष्ठ , मुख्य प्रवन्धकद्वय सुरेश सेखर बज्राचार्य तथा श्याम सुन्दर कडेल सहभागी भएका थिए ।
सम्झौता पछि मुलुक भर रहेका नेपाल बैंकका शाखाहरुमा कोषको नाममा रहेका सबै खाता बन्द गरी बांकि 
रहेको सम्पुर्ण रकम बैंकको काठमाण्डौंस्थित बैंकिङ कार्यालयमा रहेको कोषको सम्बन्धित खाताहरुमा बैंकले रकम जम्मा गर्नेछ ।
यस्को लागि पाँचवटा खाताहरुमा निक्षेप रकम जम्मा गर्नको लागि खाताको नाम र खाता नंम्बर उल्लेख भएको अलग अलग भौचरको व्यवस्था बैंकले गर्ने जानकारी कोषका सूचना अधिकृत उद्धव सिलवालले दिए । त्यस्ता खाताहरुमा नागरिक लगानी कोष कर्मचारी वचत वृद्वि अबकाश कोष, नागरिक लगानी कोष, निजामती बिमा कोष, नागरिक लगानी कोष शिक्षक बिमा कोष, नागरिक लगानी कोष सैनिक बिमा कोष तथा नागरिक लगानी कोष नेपाल प्रहरी बिमा कोष रहने छन । यसबाट कोष र बैकको रिकसिन्लेसन तथा हिसाव मिलान कार्यमा सहजता मिल्ने अपेक्षा गरिएको छ ।
....................................................................................................................................................................
