उनको यो भनाई बुधबार १० प्रतिशत हाराहारीमा शेयर मुल्य बढेर ३२९० कित्ता किनबेच भएको बरुण हाईड्रो (BARUN) मा ठ्याक्कै मिल्छ । हकप्रद आउने सूचनामा लगानीकर्ताहरुले त्यो कम्पनीको शेयर १० प्रतिशत बढाएर किनेका हुनसक्छन् तर बरुणले बिहीबार निकालेको तेस्रो त्रैमासिक बित्तीय बिबरण हेर्ने हो भने उनीहरु मुर्ख बनेको स्पष्टै देखिन्छ । १० प्रतिशत शेयर मुल्य बढेर किन्न खोज्नेले शेयर किन्न नपाउने कम्पनीले त अभुतपूर्व प्रगति बिबरण पस्कनुपर्ने होईन र ? बरुणले झण्डै दुई महिना ढिलो गरेर बल्ल बल्ल निकालेको बित्तीय बिबरण हेर्नुस त ? तपाईले १० प्रतिशत मुल्य बढेर किन्नुपर्ने केही कारण छ ?
वित्तीय विबरण हेर्न यहाँ क्लिक गर्नुहोस् ।
मेरोलगानी डटकमले यस्ता कम्पनीहरुको शेयर मूल्य हकप्रदको हल्लामा उचालिएर नकिन्न बारम्बार लगानीकर्ताहरुलाई सतर्क गराउँदै आएको हो । घाटामा रहेको कम्पनीले हकप्रद जारी गरेपछि प्रतिशेयर आम्दानी कति पुग्ला ?
बुधबार बरुण हाईड्रोको शेयरमूल्य ४३० रुपैयाँबाट बढ्न सुरु भएको थियो र त्यो ९.८८ प्रतिशतले बढेर ४६७ रुपैयाँ पुगेर रोकियो । सर्किटै लाग्ने गरी बढेको बरुणको शेयर बेच्ने बढीमा ७६ जनाले एकैदिन प्रति कित्ता ४२ रुपैयाँ कमाए । बिहीबार बिभिन्न दलालहरुबाट शेयर बेचिएकाले कसैले खेल गर्यो भन्न सकिने अबस्था छैन तर शेयर दलाल नं ३५ र ५७ बाट बढी किनिएकाले त्यहाँबाट शेयर उठाउनेहरुले हकप्रदकै सूचनामा बाजी मारिएको ठानेका हुनसक्छन् ।
यस्तो छ बित्तीय बिबरण
बरुणले चालु आर्थिक बर्षको तेस्रो त्रैमाससम्ममा ८३ लाख ८९ हजार रुपैयाँ घाटा ब्यहोरेको देखाईएको छ । अघिल्लो त्रैमाससम्म त्यो घाटा एक करोड २५ लाख रुपैयाँ थियो । अघिल्लो त्रैमाससम्म ३ करोड १८ लाख रुपैयाँ जगेडा कोष घाटामा रहेको कम्पनीको त्यो घाटा बढेर ३ करोड ६७ लाख नाघेको छ । उसको प्रगति भन्नु नै यही हो । २४ करोड ३० लाख चुक्ता पूँजी रहेको कम्पनीको घाटा हिसाव गर्दा बुधबार शेयर किन्नेको भागमा कति पर्ला ? प्रति शेयर नेटवर्थ ८८ रुपैयाँ देखाएको कम्पनीले प्रति शेयर आम्दानी र मूल्य आम्दानी अनुपात छैन भनेरै लेखेको छ ।
वित्तीय विबरण हेर्न यहाँ क्लिक गर्नुहोस् ।
बरुणले संखुवासभाको चैनपुरमा साढे चार मेगावाटको हेवाखोला आयोजना निर्माण गरेको छ । गत बर्षको जेठमा आएको बाढीले आयोजनाको संरचना बगाएपछि आयोजना पुनर्निमाण गरेर भरखरै पावरहाउस संचालनमा ल्याईएको छ ।
जगेडा कोष समेत घाटामा रहेको कम्पनीले आयोजना निर्माण गर्दा बैंकहरुबाट लिएको २८ करोड कर्जा तिर्न बाँकी भएकाले लगानीकर्तालाई कहिले लाभांश खुवाउला ? यो पनि भन्न सकिने अबस्था छैन । कम्पनीले अरु आयोजनामा लगानी गर्न भन्दै हकप्रदको हल्ला गरेर अरु धेरै लगानीकर्तालाई शेयर किनाउन त सक्ला तर लगानीकर्ताले तत्काल १० प्रतिशत मूल्य बढाएर शेयर किन्नु चाँही मुर्खता नै हुनसक्छ ।
जलबिद्युत क्षेत्रको लगानी दीर्घकालीन लगानी भएकाले तत्काल प्रतिफल पाउन नसकिने कुरा यथार्थ हो । प्राथमिक निश्काशन र स्थानीयबासीलाई बितरण गरिएको यस्ता कम्पनीको साधारण शेयर नबेची राख्दा भने राम्रै हुनेछ । उसले निश्काशन गर्न खोजेको पुरानो १ कित्ता बराबर नयाँ एक कित्ता हकप्रद भर्दा कति फाईदा होला भन्ने कुरा पनि बिचारणीय छ । कम्पनीको बित्तीय अबस्था नहरेी हकप्रदको हल्लामा मात्रै लाग्नु बेकार हुनेछ ।
....................................................................................................................................................................