कम्पनीको शेयर निष्काशन तथा बिक्रि प्रबन्धक ग्लोबल आइएमई क्यापिटलका अनुसार आइतबारसम्ममा कुल १६ लाख कित्ता शेयर मात्र डिम्याट भएको छ । यो सर्वसाधारणमा निष्काशन भएको शेयरको ८ प्रतिशत मात्र हो । अहिले कुनै पनि कम्पनीको १० प्रतिशत शेयर डिम्याट नभई शेयर कारोबार नहुने ब्यवस्था छ ।
क्यापिटलका अनुसार कम्पनीको शेयर डिम्याट गराउने काम तिब्र रुपमा भईरहेको छ । सोमबारदेखि शेयर कारोबार खुलाउने लक्ष्यका साथ काम भैरहेकोमा ढिलोमा बुधबारसम्ममा कम्पनीको शेयर कारोबार चालु गराउने क्यापिटलले जनाएको छ ।
कम्पनीको प्रतिकित्ता शेयर मूल्यको रेञ्ज १ सय ९ रुपैंयादेखि ३ सय २८ रुपैंयासम्म निर्धारण गरिएको छ । प्रतिशेयर नेटवर्थको ३ गुणासम्म प्राइस रेञ्ज निर्धारण गर्ने व्यवस्था अनुरुप कम्पनीको शेयर मुल्य निर्धारण गरिएको हो ।
जलविद्युत आयोजनाहरुमा लगानी गर्ने लक्ष्यका साथ स्थापित कम्पनीमा सञ्चय कोष, राष्ट्रिय बीमा संस्थान, नागरिक लगानी कोष लगायतका सरकारी निकायको ८० प्रतिशत शेयर स्वामित्व रहेको छ । ८ अर्ब संस्थापकको र सर्वसाधारणको २ अर्ब गरी कम्पनीको चुक्ता पूँजी १० अर्ब रुपैंया रहेको छ ।
कम्पनीले २ सय ७१ मेगावाट बराबरका ८ ओटा आयोजना निर्माणका लागि ऋण लगानी गर्ने सम्झौता गरेर त्यसै अनुरुप काम गर्दै आएको छ ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
