बैंकले चुक्ता पूँजी १० करोड रुपैंया पुर्याउनका लागि ४ करोड ५० लाख रुपैंयाको शेयर निष्काशन गरेकोमा ४ अर्ब १७ करोड रुपैंयाको आवेदन परेको थियो । यो रकम माग गरिएको शेयर भन्दा ९२ गुणा भन्दा बढी हो । संस्थागत लगानीकर्ता तथा कर्मचारीका लागि बैंकले यस अघि नै २२ हजार ५ सय र ९ हजार कित्ता शेयर सुरक्षित गरिसकेको छ । संस्थागत लगानीकर्ता र कर्मचारीलाई छुट्याएको ३१ हजार ५ सय कित्ता शेयरको गणना नगर्दा सर्वसाधारणका लागि ४ लाख १८ हजार ५ सय कित्ता शेयर निष्काशन भएको छ । यस आधारमा हेर्दा बैंकको शेयरमा ९९ प्रतिशत भन्दा बढी आवेदन परेको थियो ।
९० हजार रुपैंयासम्मका आवेदकको संख्या धेरै भएका कारण उक्त मात्राका आवेदकलाई गोलाप्रथाबाट १० कित्ता शेयर बितरण गरेको बैंकले उक्त रकम भन्दा माथि १० लाख रुपैंयासम्मका आवेदकलाई १ दशमलव ०५ प्रतिशत शेयर बितरण गरेको हो ।
शेयर बितरणको मोडल हेर्न यहाँ क्लिक गर्नुहोस् । तपाईलाई कति कित्ता शेयर पर्यो नतिजा मेरोलगानीको शिर्षस्थानमा रहेको IPO मा क्लिक गरेर IPO Result मा गई Green Developement Bank छानेर मागिएको विवरण भेरेर हेर्नू होस ।
बागलुङमा मुख्य कार्यालय रहेको ग्रीन डेभलपमेण्ट बैंकले बागलुङ, म्याग्दी र कास्की जिल्लामा कार्यक्षेत्र बिस्तार गरी वित्तीय सेवा दिंदै आएको छ । बैङकको अधिकृत पूँजी ५० करोड, जारी पूँजी १० करोड र चुक्ता पूँजी ५ करोड ५० लाख रुपैयाँ रहेको छ ।
साधारण शेयर निष्काशन पश्चात बैंकमा ५५ प्रतिशत संस्थापक तथा ४५ प्रतिशत सर्वसाधारको लगानी पुग्नेछ । संस्थापक तर्फको सम्पूर्ण रकम चुक्ता भइसकेको र साधारण शेयर जारी गरेपछि बैंकको चुक्तापूँजी १० करोड रुपैयाँ पुग्नेछ । ३३ करोड ६६ लाख रुपैंया निक्षेप संकलन गरेको बैंकले २६ करोड ९८ लाख रुपैंया कर्जा प्रवाह गरेको छ ।
बैंकले गत आर्थिक वर्षमा ११ लाख रुपैंया खुद नोक्सान व्यहोरेकोमा चालु आर्थिक वर्षको ९ महिनामा त्यो नोक्सानलाई नाफामा रुपान्तरण गरि १३ लाख रुपैंया खुद नाफा कमाएको छ । अहिले बैंकको जगेडा कोष ८१ लाख ९३ हजार रुपैंयाले नकारात्मक छ ।
...............................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................