सहयोगीको नाफा बढ्यो
सहयोगी विकास बैंकले गत आर्थिक बर्षमा ७ करोड ५५ लाख रुपैयाँ खुद मुनाफा कमाएको छ । अघिल्लो वर्षको यसै अवधिभन्दा यो वृद्धि ७.८ प्रतिशतको हो ।
२५ करोड ७८ लाख रुपैयाँ चुक्ता पूँजी भएको बैंकले जगेडाकोषमा १३ करोड ३७ लाख रुपैयाँ राखेको छ । बैंकले यसअवधिमा २ अर्ब ७१ करोड ७४ लाख रुपैयाँ निक्षेप संकलनगरी २ अर्ब २६ करोड ८६ लाख रुपैयाँ कर्जा लगानी गरेको छ ।
निष्कृय कर्जा शुन्य दशमलव १८ प्रतिशत रहेको बैंकले प्रोभिजनमा २ करोड ६६ लाख रुपैयाँ छुटाएको छ भने २ करोड १३ लाख रुपैयाँ खराबकर्जा उठाएको छ ।
कम्पनीको प्रति शेयर आम्दानी वार्षिक २९ दशमलव ३२ रुपैयाँ, मुल्य आम्दानीको अनुपात १३ दशमलव ४७ गुण, प्रति शेयर नेटवर्थ १ सय ५१ दशमलव ८६ रुपैयाँ, तरलता अनुपात २९ दशमलव ७४ गुणा रहेको छ ।
सहयोगी विकास बैंकले सहारा बिकास बैंकसँग गाभिने सहमति गरिसकेको छ । नयाँ बन्ने बैंक सहयोगि विकास बैंकको नामबाट संचालनमा आउने छ भने तीन जिल्ले बैंकको चुक्तापुँजी ३२ करोड रुपैयाँ पुग्नेछ ।तीनजील्ले विकास बैंकले ०७४ असारसम्म ५० करोड रुपैयाँ चुक्तापुँजी पुर्याउनुपर्ने हुन्छ ।
मिथीला लघुवित्तको नाफा ९० लाख
मिथिला लघुवित्त विकास बैंकले गत आर्थिक वर्ष ९० लाख रुपैयाँ खुद मुनाफा कमाएको छ । अघिल्लो वर्षको सोहि अवधिमा बैंकले ७८ लाख रुपैयाँ मुनाफा कमाएको थियो । यो नाफा अघिल्लो वर्षको तुलनामा १४ दशमलव ७३ प्रतिशतले बढी हो ।
३ करोड ३९ लाख रुपैयाँ चुक्ता पूँजी भएको बैंकले जगेडाकोषमा १ करोड ४२ लाख रुपैयाँ राखेको छ । बैंकको निक्षेप ६ करोड २० लाख रुपैयाँ तथा कर्जा लगानी २९ करोड २८ लाख रुपैयाँ रहेको छ ।
निष्कृय कर्जा ३ दशमलव ९५ प्रतिशत राखेको बैंकले प्रोभिजनमा ४९ लाख रुपैयाँ राखेको छ । खराबकर्जा जम्मा ४३ हजार रुपैयाँ उठाएको छ । बैंकको जोखिमयुक्त सम्पत्ति १० दशमलव २९ प्रतिशत रहेको छ । प्रतिशेयर आम्दानी २६ दशमलव ५६ रुपैयाँ, मुल्य आम्दानीको अनुपात १ सय ७ दशमलव ३० गुणा, प्रतिशेयर नेटवर्थ १ सय ४२ दशमलव ०१ रुपैयाँ र तरलता अनुपात ९ दशमलव ६८ प्रतिशत रहेको छ ।
मिथिला लद्युवित्त विकास बैंकले पनि ५० प्रतिशत हकप्रद शेयर निष्कासन गरेको छ । मिथिलाले एक करोड ६९ लाख ७४ हजार रुपैयाँ बराबरको एक लाख ६९ हजार ७ सय ४० कित्ता हकप्रद निष्कासन गरेको हो । हाल बैंकको चुक्तापूँजी ३ करोड ३९ लाख रुपैयाँ रहेको छ । हकप्रद निष्कासन पश्चात बैंकको पूँजी ५ करोड ९ लाख रुपैयाँ पुग्नेछ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
