फस्र्ट माइक्रोफाइनान्स डेभलपमेन्ट बैंक लिमिटेड(FMDBL)ले शेयरधनीलाई १५ प्रतिशत बोनश शेयर दिने भएको छ । बैंकको साउन २५ मा बसेको सञ्चालक समितिको बैंठकले १५ प्रतिशत बोनश शेयर र कर प्रयोजनका लागि शुन्य दशमलव ७९ प्रतिशत नगद लाभांश दिने प्रस्ताव गरेको हो ।
बैंकले गत आवको मुनाफाबाट उक्त लाभांश दिने लागेको हो । बैंकको उक्त लाभांश नेपाल राष्ट्र बैंकबाट स्वीकृत प्राप्त गरेपछि र बैंकको आगामी साधारणसभाले पारित गरेपछि वितरण गरिनेछ ।
कृषि विकास बैंक (ADBL) ले अघिल्लो आर्थिक बर्षको मुनाफाबाट वितरण गरेको बोनश शेयर नेपाल स्टक एक्सचेञ्ज (नेप्से) मा सूचीकृत भएको छ । बैंकको ५१ लाख ३६ हजार कित्ता शेयर बुधबार नेप्सेमा सूचीकृत भएको हो ।
यसैगरि कास्की फाइनान्स लिमिटेड (KAFIL) को बोनश शेयर पनि नेप्सेमा सूचीकृत भएको छ । फाइनान्सको ४ लाख ८९ हजार चार सय ७९ कित्ता शेयर बुधबार नेप्सेमा सूचीकृत भएको हो ।