प्रभु इन्स्योरेन्सको नाफा ५५ प्रतिशतले बढ्यो
प्रभु इन्स्योरेन्स लिमिटेडले गत आर्थिकबर्षमा १४ करोड ८६ लाख रुपैयाँ खुद नाफा कमाएको छ । यो नाफा अधिल्लो बर्षको तुलनामा करिब ५५ प्रतिशतले बढी हो । अघिल्लो बर्ष इन्स्योरेन्सले ९ करोड ५९ लाख रुपैयाँ मुनाफा कमाएको थियो ।
३२ करोड ९० लाख रुपैया चुक्ता पूँजी रहेको प्रभुको जगेडा कोषमा १० करोड ३१ लाख रुपैयाँ र बीमा कोषमा २४ करोड ७७ लाख रुपैयाँ राखेको छ । इन्स्योरेन्सले २१ करोड ११ लाख रुपैयाँ आम्दानी गरेर ८ करोड ९१ लाख रुपैयाँ खर्च गरेको छ ।
गत असार मसान्त सम्ममा ७६ करोड १७ लाख रुपैयाँ बराबरको कूल बीमा शुल्क आर्जन गरेको कम्पनीले ६९ करोड ९६ लाख रुपैयाँ बराबरको बीमा दावी भुक्तानी गरेको छ । कम्पनीबाट अझै १३ करोड ७८ लाख रुपैयाँ बराबरको बीमा दाबी भुक्तानी गनुृपर्ने देखिएको छ ।
कम्पनीको प्रति शेयर आम्दानी ४५ रुपैयाँ, मूल्य आम्दानी अनुपात ३३ गुणा, प्रति शेयर नेटवर्थ २ सय ७ रुपैयाँ र तरलता अनुपात १ दशमलव ८५ प्रतिशत रहेको छ ।
प्रिमियर इन्स्योरेन्सको मुनाफा ३० प्रतिशतले वृद्धि
प्रिमियर इन्स्योरेन्स कम्पनीको मुनाफा अघिल्लो आर्थिक बर्षको तुलनामा गत आर्थिक बर्ष करिब ३० प्रतिशतले बढेको छ । कम्पनीले गत आर्थिक बर्षमा १८ करोड ५७ लाख रुपैया खुद नाफा कमाएको छ.। अघिल्लो वर्षको सोहि अवधिमा कम्पनीको मुनाफा १४ करोड ३१ लाख रुपैयाँ रहेको थियो ।
३७ करोड ३७ लाख रुपैयाँ चुक्ता पुजी भएको कम्पनीले जगेडा कोषमा ११ करोड ४६ लाख र बीमा कोषमा २६ करोड ३ लाख रुपैयाँ राखेको छ । कम्पनीले यसअवधिमा ३० करोड ४२ लाख रुपैयाँ आम्दानी गरेर ११ करोड ८४ लाख रुपैयाँ खर्च गरेको छ ।
१ अर्ब ८३ लाख रुपैयाँ बराबरको कुल बीमा शुल्क आर्जन गरेको कम्पनील १ अर्ब ३२ करोड ८९ लाख रुपैयाँ बराबरको बीमा दाबी भुक्तानी गरेको छ । इन्स्योरेन्सको प्रति शेयर आम्दानी ४९ दशमलव ६९ रुपैयाँ, मुल्य आम्दानी अनुपात ४४ दशमलव ३७ गुणा, प्रति शेयर नेटवोर्थ २ सय दशमलव ३४ रुपैयाँ रहेको छ ।
................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
