सार्क मुलुकले अर्थमन्त्रीस्तरीय बैठकमा व्यापार सहजीकरणदेखि ‘साउथ एसियन इकोनोमिक युनियन’ बनाउनेसम्मका विषयमा छलफल हुँदै आएको छ । पछिल्लो बैठकमा व्यापार सहजीकरण तथा ‘कनेक्टिभिटी’का विषयले प्राथमिकता पाउने अर्थमन्त्रालय, अन्तर्राष्ट्रिय आर्थिक सहायता समन्वय महाशाखाका उपसचिव सूर्य पोखरेलले जानकारी दिए ।
उनका अनुसार मन्त्रीस्तरीय बैठकपछि दक्षिण एसियाली मुलुकको पूर्वाधार विकासका लागि सार्क विकास कोषको सञ्चालनका सम्बन्धमा सहभागी मन्त्रीबीच छलफल हुनेछ । गतवर्ष नेपालमा भएको साताँैं सार्क अर्थमन्त्रीस्तरीय बैठकका निर्णयको कार्यान्वयनको समीक्षा हुनेछ ।
बैठकमा भाग लिन उपप्रधानमन्त्री तथा अर्थमन्त्री कृष्णबहादुर महराले पाकिस्तान जाने कार्यक्रम तय भएको उनका प्रेस सल्लाहकार त्रिभुवन पौडेलले जानकारी दिए । रासस
[अरुण भ्यालीको जलबिद्युत कम्पनीमा पारिवारिक ठेक्का, दुई अर्ब बढीको भ्रष्टाचार]
