मुक्तिनाथ र मितेरीले ५० प्रतिशत तथा अरनिको डेभलपमेण्ट बैंकले १० बराबर ३ दशमलव ६ कित्ताका दरले हकप्रद निष्काशनको अनुमती पाएका हुन् ।
आफैले चुक्ता पूँजी दुई अर्ब ५० करोड पुर्याएर राष्ट्रियस्तरको बिकास बैंकमा कायम रहने उद्धेश्य लिएको मुक्तिनाथले यसै ५० प्रतिशत हकप्रद शेयर जारी गर्न लागेको हो । हाल यो बैंकको ८४ करोड रुपैयाँ चुक्तापूँजी रहेको छ । ५० प्रतिशत हकप्रद निष्काशन पश्चात बैंकको चुक्ता पूँजी १ अर्ब ३० करोड रुपैंयाको हाराहारीमा पुग्नेछ ।
पोखरामा मुख्य कार्यालय रहेको मुक्तिनाथले लघुवित्तको समेत काम गर्दै आएको छ । राष्टिय्रस्तरको बिकास बैंकमा रुपान्तरण भएको मुक्तिनाथले काठमाडौमा शाखा बिस्तार गरे पछि झन् ब्यापार बृद्धि भएको देखिएको छ । गत आर्थिक बर्षमा ३५ करोड ८८ लाख रुपैयाँ खुद नाफा कमाएका बेंकले अघिल्लो आर्थिक बर्षमा २१ करोड ७६ लाख मात्र खुद नाफा कमाएकोमा गत बर्ष १४ करोडले बढाएको हो । बैंकको शेयर निष्काशन तथा बिक्रि प्रबन्धक एनआईबिएल क्यापिटल रहेको छ ।
धरानमा मुख्य कार्यालय रहेको मितेरी डेभलपेमन्ट बैंकले पनि पचास प्रतिशत (२ः१)को अनुपातमा हकप्रद निष्काशनका लागि अनुमती पाएको छ । मितेरीले १० करोड ५६ लाखरुपैयाँ बराबरको १० लाख ५६ हजार ३ सय ६९ कित्ता हकप्रद निष्काशनको अनुमति पाएको हो । मितेरीको शेयर निष्काशन तथा बिक्री प्रबन्धक प्रभु क्यापिटल (साविकको ग्रोमर मर्चेन्ट बैंकर) रहेको छ ।
मितेरीले गत आर्थिक वर्षमा खुद नाफालाई ६ करोड ४५ लाख ८९ हजार रुपैंयाबाट बढाएर ९ करोड ७२ लाख २७ हजार रुपैंया पुर्याएको छ । २१ करोड १२ लाख ७४ हजार रुपैंया चुक्ता पूँजी रहेको बैंकले उक्त अवधिमा २ अर्ब ३१ करोड २३ लाख रुपैंया निक्षेप संकलन गरि २ अर्ब २३ लाख रुपैंया कर्जा प्रवाह गरेको छ । अघिल्लो आर्थिक वर्षमा बैंकले १ अर्ब ७६ करोड ३६ लाख रुपैंया निक्षप संकलन गरि १ अर्ब १ अर्ब ४३ करोड ३३ लाख रुपैंया कर्जा प्रवाह गरेको थियो ।
प्रतिशेयर आम्दानी ४६ रुपैंया २ पैसा कायम हुँदा निष्कृय कर्जा अनुपातलाई शुन्य दशमलव शुन्य ३ प्रतिशतमा राख्न सफल भएको मितेरी बैंकको प्रतिशेयर नेटवर्थ १ सय ६६ रुपैंया ३० पैसा, मुल्य आम्दानी अनुपात १८ दशमलव ७१ गुणा र तरलता अनुपात २८ दशमलव ८६ प्रतिशत रहेको छ । हकप्रद निष्काशन पश्चात बैंकको चुक्ता पूँजी पौने ३२ करोड रुपैंया नाघ्नेछ ।
उता गत आर्थिक वर्षमा ५ करोड ८४ लाख रुपैंया खुद नाफा कमाएको अरनिको डेभलपमेण्ट बैंकले पनि १० बराबर ३ दशमलव ६ कित कहप्रद निष्काशनको अनुमती पाएको हो । बैंकको अहिले चुक्ता पूँजी २५ करोड ७८ लाख रुपैंया रहेको छ । हकप्रद निष्काशन पश्चात बैंकको चुक्ता पूँजी ३५ करोड १० लाख रुपैंयाको हाराहारीमा पुग्नेछ ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।