दशै खर्च, हकप्रद भर्ने रकम, असोज मसान्तमा कर्जाको ब्याज भुक्तान, नाफा सुरक्षित गर्ने प्रबृत्ति, बजारमा थपिदो सेयर संख्या लगायतका कारणहरुले बिक्रीमा चाप पर्दा नेप्से र कारोबार रकम केहीदिन यता लगातार घटिरहेको छ । बुधबार सेयर किनबेचमा लगानीकर्ताको खासै उत्साह नदेखिनुमा मनोबिज्ञानले पनि काम गरेको हुनसक्ने आँकलन गरिएको छ ।
बुधबारको कारोबारमा विकास बैंक र अन्य बाहेक सबै समूहमा गिरावट आएपछि बजार झरेको हो । बजारमा प्रभाव पार्ने वाणिज्य बैंक समूह आठ अंकले घटेको बजारमा बीमा, उत्पादन, जलविद्युत, होटल, वित्त लगायतका समूह पनि राताम्मे भएका छन् ।
बजार खुल्नासाथ निरन्तरत ओरालो लागेको नेप्से डेढ घण्टाको अवधिमा २२ अंक सम्म तल झरेको थियो । त्यसपछि समालिएको बजार ७.३७ अंकले झरेर १७७९.१३ अंकमा झरेको छ । यसदिन १४२ कम्पनीको ९४ करोड ९६ लाख रुपैयाँ बराबरको शेयर किनबेच भएको छ ।
यसदिनको कारोबारमा सनराइज बैंकको सबैभन्दा उच्च कारोबार भएको छ । सनराइजको ५ करोड ७२ लाख रुपैयाँ बराबरको शेयर किनबेच भएको छ । नेपाल लाइफको पनि ५ करोड २० लाख बराबरको कारोबार भयो । त्यस्तै एनबी, सिद्धार्थ र सिटिजन्सले पनि चार करोड बढीको कारोबार गरेका छन् । सानिमाको पनि ३ करोड बढीको कारोबार भयो ।
यसदिन रिलायबल माइक्रोफाइनान्सका शेयरधनीले सबैभन्दा धेरै कमाएका छन् । यो कम्पनीको शेयरमूल्य सात प्रतिशतले बढेको छ । आइएलएफसीओ माइक्रो, नेरुडे लघुवित्त,नाङी पावर कम्पनीm ललितपुर फाइनान्स, महिला सहयात्रा माइक्रोफाइनान्स, पोखरा फाइनान्स तथा नेपाल ग्रामिण विकास बैंक लगायतका कम्पनीका लगानीकर्ता धेरै कमाउनेमा परेका छन् ।
नबिल ब्यालेन्स फण्डका लगानीकर्ताले सबैभन्दा धेरै गुमाएको बजारमा सेति फाइनान्स, एक्सल डेभलपमेन्ट संस्थापक, फस्र्ट माइक्रो राष्ट्यि बीमा कम्पनी, ग्लोबल आइएमई संस्थापक तथा गुडविल फाइनान्स लगायतका कम्पनीका लगानीकर्ताले धेरै गुमाए ।
सेयरधनी दर्ता किताब बन्दको सूचना समयमै उपलब्ध नगराएको भन्दै नेप्सेले नबिल बैंकको कारोबारमा रोक लगाएपछि त्यसका लगानीकर्ताहरुले किनबेच गर्न पाएनन् ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।