गत भदौ २९ गते सल्यानको कपुरकोट शाखाबाट ७ जना महिलालाई बिनाधितो बिपन्न वर्ग कर्जा लगानी गरी संस्थाका प्रमुख कार्यकारी अधिकृत रामहरि दाहालले कारोबारको औपचारिक शुरुवात गरेका हुन् ।
प्रमुख कार्यकारी दाहालले रुकुमको मुसीकोट, रोल्पाको लिवाङ्ग लगायतका १५ वटा शाखाहरु बाट औपचारिक कारोबार शुरु गरेको जानकारी दिए । । भौगोलिक रुपमा बिकट र आर्थिक बिपन्नता रहेका दुर्गम जिल्लाका ग्रामीण समुदायमा लघुवित्तीय सेवा शुरुवात गरिएको बताउँदै बिस्तारै देशका ७५ वटै जिल्लामा शाखा बिस्तार गरिने दाहालले बताए ।
संस्थाले सुदुर पश्चिमका डोल्पा र अछाम लगायत पश्चिमका सुर्खेत, रोल्पा, रुकुम, सल्यान, प्युठान, गुल्मी, पाल्पा, स्याङ्गजा, लमजुङ्ग र गोरखा जिल्लामा एक÷एक वटा शाखा कार्यालयहरु मार्फत कार्यक्रम संचालन गरी कारोबार शुरु गरेको हो । त्यसैगरी मध्यमाञ्चलको रसुवा र बारा तथा पूर्वको धनकुटामा पनि एक एक वटा शाखा कार्यालयहरु स्थापना गरी कारोबार शुरु गरेको छ ।
हाल संस्थाले ४५ शाखा सञ्जाल मार्फत निक्षेप, कर्जा, लघुबीमा, विप्रेषण तथा अन्य सामाजिक उत्तरदायित्वका कार्यहरु गर्दै ४८ हजार घरपरिवारलाई लाभान्वित तुल्याएको छ । ४० करोड अधिकृत तथा २० करोड चुक्ता पूँजी सहित ८ वाणिज्य बैंक र २ विकास बैंकबाट प्रबद्र्धित यस संस्थाले हालसम्म २८ करोड निक्षेप संकलन गरी झण्डै १ अर्ब ५० करोड लगानी गरेको छ ।
.................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।