५० मेगावाट विद्युत उत्पादन क्षमताको माथिल्लो मर्स्याङ्दी जलविद्युत आयोजनाको निर्माण कार्य तोकिएको समय अगावै निर्माण सम्पन्न भएको हो । डेढ वर्ष अघि निर्माण पुरा गर्ने लक्ष्य सहित सुरु भएको आयोजना भूकम्प र नाकाबन्दीका कारण केही ढिला गरेर निर्माण सम्पन्न भएको हो । असोज १० गते अर्थात भोलिदेखि आयोजनाले व्यवशायिक रुपमा विद्युत उत्पादन गर्दैछ ।
आइतबार राजधानीमा आयोजित एक कार्यक्रममा आयोजनाको व्यवशायिक विद्युत उत्पादनका सम्बन्धमा जानकारी गराईएको हो । कार्यक्रममा आयोजनाको प्रवद्र्धक सिनो हाइड्रो चाइनाका अध्यक्ष सेङ युमिङले समय, सुरक्षा, लागत र गुणस्तरलाई हेरेर काम गरेका कारण निर्धारित समयमा आयोजना निर्माण गर्न सकेको बताए । उनले नेपालको विकासको बाधक अल्छीपन रहेको भन्दै चीनले अल्छिपन त्यागेरआर्थिक विकासमा फड्को मारेको बताए ।
सिनो हाइड्रो चाइनाको ९० प्रतिशत र मनकामना केवलकार समूहको १० प्रतिशत गरी १६ अर्ब रुपैयाँको लागतमा निर्माण सम्पन्न भएको आयोजनाको सोमबार बौद्धस्थित हायात होटलबाट उर्जामन्त्री जनार्दन शर्माले उद्घाटन गर्दैछन् । शर्माले आयोजनास्थल लमजुङमा रहेका आयोजनाका कर्मचारीलाई टेलिफोनमार्फत स्वीच अन गर्न निर्देशन दिएर व्यवशायिक रुपमा आयोजनाबाट विद्युत उत्पादनको सुरुवात गर्न लागेका हुन् ।
यो पनि पढ्नुहोस्
मंसिरसम्ममा १८५ मेगावाट थप बिजुली उत्पादन तर बिजुली हिडाउने बाटो खोई ? (हेर्नुहोस् १७ आयोजनाका जटिल समस्या)
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।