खुल्नासाथ माथि उक्लेको बजार पहिलो आधाघण्टासम्म सकारात्मक रहेपनि त्यसपछि ओरालो लागेको हो। मंगलबार नेप्से ३.३८ अंकले झरेर १७५३.७२ अंकमा पुगेको छ ।
बजार झरेसँगै कारोबार रकम पनि घटेको छ । दैनिक एक अर्बमाथि कारोबार हुदै आएकोे बजारमा मंगलबार जम्मा ७५ करोड ७२ लाख रुपैयाँको मात्र किनबेच भएको छ । यसदिन सेयरबजारमा १४२ कम्पनीको सेयर किनबेच भएको छ ।
अघिल्लो दिनजस्तै मंगलबार पनि एभरेष्ट बैंकको उच्च कारोबार भएको छ ।एभरेष्ट बैकको ११ करोड ५४ लाख रुपैयाँको किनबेच भएको छ । बजार खुल्नु अगावै एभरेष्टले ५० प्रतिशत बोनस दिने चर्चा सामाजिक सञ्जालमा चलेपछि बजार खुल्नासाथ यो कम्पनीको शेयर भाउ उकालो लागेको थियो । लाभांशको चर्चाले एभरेष्टको सेयर किनबेचमा तिब्रता आएको हो तर कम्पनीको तर्फबाट कुनै पनि प्रकारको आधिकारीक जानकारी सार्वजनिक नभएपछि अन्तत यो कम्पनीको कारोबार बढेपनि सेयरमूल्य भने केही झरेको छ । एनबी बैंक र सिद्धार्थ बैंकको पनि पाँच करोड बढीको कारोबार भयो ।
बजारका सबै उपसुचकहरु ओरालो लाग्दा बजार राताम्मे बनेको छ । सबैभन्दा वढी उत्पादनमूलक क्षेत्र २८ अंकले झरेको छ । बिमा पनि २३ अंकभन्दा वढिले झरेको छ ।
घटेको बजारमा रिलायवल माइक्रोफाइनान्स, एनबी इन्स्योरेन्स र रिलायन्स लोटसका लगानीकर्ताले झन्डै १० प्रतिशत हाराहारीले कमाएका छन् । ज्योती विकास बैंकको सेयर मूल्य पनि नौं प्रतिशत हाराहारी बढेको छ । ज्योति विकास बैंकको झिमरुकसँग मर्ज भएपछि आज पहिलो पटक कारोबार खुलेको हो ।
वोटलर्स नेपाल तराइका लगानीकर्ताले सबैभन्दा धेरै गुमाएको बजारमा ङादी ग्रुप पावर, कसमस डेभलपमेन्ट, कञ्चन डेभलपमेन्ट लगायतका कम्पनीका लगानीकर्ता धेरै गुमाउनेमा परेका छन् ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।