नेप्सेका अनुसार बुधबारदेखि बैंक अफ काठमाण्डू लुम्बिनीको शेयर कारोबार बीओकेएलको संकेतबाट हुनेछ । उसले राष्ट्र बैंकबाट शेयर कारोबार खुलाउन पत्र प्राप्त भएको जनाउँदै कारोबार संकेतको जानकारी दिएको हो ।
मर्जर सम्झौता गरे पछि गत पुस ९ गतेदेखि रोक्का रहेको बैंकको शेयर कारोबार १० महिना पछि खुल्न लागेको हो ।
मर्जर सम्झौताका बेला ५ सय ८५ रुपैंयामा बीओकेको अन्तिम पटक शेयर कारोबार भएको थियो । बुधबार पनि सोही मूल्यभन्दा माथिल्लो विन्दुबाट शेयर कारोबार खुल्न सक्ने सम्भावना छ ।
लामो समयसम्म कारोबार हुन नपाएका कारण विगतमा अरु कम्पनीको जस्तै बुधबार बीओकेएलको शेयर सजिलै किन्न नपाईने देखिन्छ ।
राष्ट्र बैंकले ल्याएको पूँजी बृद्धि योजना अनुरुप यी दुई संस्थाहरु एक आपसमा मर्जमा गएका हुन् । मर्जरसँगै बैंकको चुक्ता पूँजी ४ अर्ब ४७ करोड रुपैयाँ पुगेको छ । गत आर्थिक वर्षमा प्रतिशेयर आम्दानी २४ रुपैंया ५० पैसा रहेको बैंकले लगानीकर्तालाई दिने प्रतिफल प्रस्ताव गरिसकेको छैन । स्वापबाट आएको उक्त ३९ करोड ५५ लाख रुपैयाँ बैंकको जगेडा कोषमा गएको छ र सो रकम समेत जोडेर बैंकले लगानीकर्तालाई यस पटक बोनस शेयर प्रस्ताव गर्न सक्छ ।
यी दुई संस्था एक आपसमा गाभिदा सेयर स्वाप रेसियो बीओकेको १०० बराबर ८२.८१ रुपैयाँको सेयर अनुपातमा मिलान गरेर लगानीकर्ताको डिम्याट खातामा समायोजन भैसकेको छ ।
यो समाचार सामाग्री अन्य मिडियाहरुले प्रकाशन गर्नुअघि मेरोलगानी डटकमको अनिबार्य रुपमा अनुमति लिनुहोला ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
