सानिमाले असोज २८ गते बाह्रौ साधारणसभा बोलाएको छ । सेयरमा हकदावी गर्न असोज १२ भित्रमा यस बैंकको सेयर किनेको हुनुपर्नेछ । असोज १३ गते सानिमाको सेयरधनी दर्ता किताब बन्द हुने बैंकले जनाएको छ । बैंकले असोज २८ गते साधारणसभा गर्देछ ।
सानिमा बैंकले गत आर्थिक बर्षको मुनाफाबाट १५ प्रतिशत बोनस शेयर वितरण गर्ने घोषणा गरेको छ । साथै बैंकले फेरी ३० प्रतिशत हकप्रद शेयर जारी गर्ने प्रस्ताव समेत साधारणसभामा लग्दैछ । १५ प्रतिशत बोनस र ३० प्रतिशत हकप्रद शेयरजारी गरेपछि चुक्ता पूँजी ६ अर्ब ८६ करोड रुपैयाँ पुग्नेछ ।
गत आर्थिक वर्षको कमाईबाट लगानीकर्तालाई १७ प्रतिशत बोनस वितरण गर्ने प्रस्ताव गरेको आईसीएफसी फाइनान्सले पनि आज लाभांस सुरक्षित गर्ने अन्तिम दिन हो । यो कम्पनीको पनि असोज १३ गते सेयरधनी दर्ता पुस्तिका बन्द हुँदैछ । फाइनान्सले कात्तिक एक गतेका लागि साधारणसभा बोलाएको छ ।
फाइनान्सले लगानीकर्तालाई १७ प्रतिशत बोनस तथा शुन्य दशमलव ८९ प्रतिशत नगद लाभांस बितरणको प्रस्ताव गरेको थियो । आईसीएफसी फाइनान्सले दशैं पछि साधारण सभा आह्वान गरी लगानीकर्तालाई उक्त लाभांस बितरण गर्नेछ ।
गत आर्थिक वर्षमा १५ करोड ३७ लाख ४९ हजार रुपैंया खुद नाफा कमाएको फाइनान्सले ६८ करोड ५२ लाखको पूँजीलाई ८० करोड बनाउने गरी लाभांस प्रस्ताव गरेको हो । योसंगै आईसीएफसी फाइनान्स राष्ट्र बैंकले ताकेको पूँजी पुर्याउने पहिलो फाइनान्स कम्पनी बन्ने भएको छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।