बीओकेएलको सेयर कारोबार खुलेको सूचना आउने बित्तिकै एक लाख चालिस हजार कित्ता सेयर किन्न लगानीकर्ताहरु बसेका मार्केट डेब्थमा देखिएको थियो ।
मर्जर पछि बनेको नयाँ बैंकको नामबाट बुधबारदेखि शेयर कारोबार खुल्नै लाग्दा बैंकको प्रतिकित्ता शेयर मूल्य ४६४ रुपैंया निर्धारण भएको सूचना नेप्सेमा दिईएको थियो ।
लुम्बिनी बैंकसँग मर्जरमा रहँदा बीओकेले २६ प्रतिशत बोनस तथा १ करोड ३६ लाख ८४ हजार रुपैंया नगद लाभांस गत जेठ १७ गते सम्पन्न २१ एकाईसौ वार्षिक साधारण सभाले पारित गरेको थियो । मर्जर पुरा भएर एकीकृत कारोबार खुल्ने दिनमा बैंकको उक्त बोनस समायोजन गरिएको हो । मर्जर सम्झौता पछि कारोबार रोक्का हुँदा बैंकको प्रतिकित्ता शेयर मूल्य ५ सय ८५ रुपैंया रहेको थियो ।
समायोजित शेयर मूल्यभन्दा माथि रहेको बेस रेट ४९५ रुपैंया रहेको छ । राष्ट्र बैंकले मंगलबार नेपाल स्टक एक्सचेञ्जलाई मर्जर पछि बनेको नयाँ संस्था बैंक अफ काठमाण्डू लुम्बिनीको शेयर कारोबार सुचारु गराउनका लागि पत्र पठाएको थियो । मर्जर सम्झौता गरे पछि गत पुस ९ गतेदेखि रोक्का रहेको बैंकको शेयर कारोबार १० महिना पछि खुलेको हो ।
राष्ट्र बैंकले ल्याएको पूँजी बृद्धि योजना अनुरुप यी दुई संस्थाहरु एक आपसमा मर्जमा गएका थिए । मर्जरसँगै बैंकको चुक्ता पूँजी ४ अर्ब ४७ करोड रुपैयाँ पुगेको छ । गत आर्थिक वर्षमा प्रतिशेयर आम्दानी २४ रुपैंया ५० पैसा रहेको बैंकले लगानीकर्तालाई दिने प्रतिफल प्रस्ताव गरिसकेको छैन । स्वापबाट आएको उक्त ३९ करोड ५५ लाख रुपैयाँ बैंकको जगेडा कोषमा गएको छ र सो रकम समेत जोडेर बैंकले लगानीकर्तालाई यस पटक बोनस शेयर प्रस्ताव गर्नसक्छ ।
यी दुई संस्था एक आपसमा गाभिदा सेयर स्वाप रेसियो बीओकेको १०० बराबर लुम्बिनीको ८२.८१ सेयर अनुपातमा मिलान गरेर लगानीकर्ताको डिम्याट खातामा समायोजन भैसकेको छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।