संघका अध्यक्ष उत्तम अर्यालले जारी गर्नुभएको बिज्ञप्तिमा ग्लोबल आईएमईमा बिलय हुन लागेको प्रति ध्यानाकर्षण भएको भन्दै रिलायबलले संस्थागत जालसाँची गर्न खोजेको आरोप लगाईएको छ । घटनाले धितोपत्र बजारमा सुचिकृत कम्पनीहरु प्रति अबिस्वास सिर्जना हुन जाने र समग्र पूँजी बजारलाई नै गंभीर असर पार्ने दावी गरिएको छ ।
हकप्रद सेयर निश्काशनसम्बन्धी स्पष्ट कानुनी ब्यवस्थाको अभावमा यस्ता घटनाहरु भईरहने भन्दै अबिलम्ब कानुनी प्रबन्ध मिलाउन पनि संघले माग गरेको छ ।
यसैबीच संघका महासचिव नबराज सुबेदीले संघले आईतबार नै रिलायबलका अधिकारीहरुलाई भेटी लगानीकर्ताहरुको तर्फबाट आपत्ति जनाईएको बताउनु भयो । उहाँले रिलायबलले गत आर्थिक बर्षको खुद नाफाबाट बोनस सेयर दिएरै ग्लोबल आईएमईसँग बिलय हुने कुरामा आश्वस्त पारेको जानकारी दिनुभयो ।
