सिद्धार्थ बैंकको समायोजित शेयर मूल्य पछिको बेस रेट ८ सय १५ रुपैंया कायम भएको छ भने सनराइजको ५ सय १५ रुपैंया बेस रेट रहेको छ ।
सिद्धार्थ बैंकले भने लगानीकर्तालाई दिने लाभांस घोषणा गरिसकेको छैन । त्यसै गरी सनराइज बैंकले बोनस पछिको चुक्ता पूँजीबाट ३० प्रतिशत हकप्रद निष्काशन गर्ने प्रस्ताव साधारण सभामा लैजाँदैछ ।
सिद्धार्थ बैंकले १ सय रुपैंया अकिंत दरमा ७५ करोड ५५ लाख रुपैंया बराबरको ७५ लाख ५५ हजार १ सय ९३ कित्ता हकप्रद शेयर निष्काशन गर्न लागेको हो ।
विजनेश युनिभर्सल डेभलपमेण्ट बैंकलाई गाभेको बैंकको ३ अर्ब ३ करोड रुपैंया चुक्तापूँजी रहेको छ । हकप्रद निष्काशन पश्चात बैंकको पूँजी ३ अर्ब ८० करोड हाराहारी पुग्नेछ । बैंकको शेयर निष्काशन तथा बिक्री प्रबन्धक लक्ष्मी क्यापिटल रहेको छ ।
गत आर्थिक वर्षमा १ अर्ब २४ करोड ४८ लाख ९२ हजार रुपैंया खुद नाफा कमाएको बैंकको प्रतिशेयर आम्दानी ४१ रुपैंया १९ पैसा छ । चुक्ता पूँजीभन्दा धेरै जगेडा रहेको बैंकको जगेडा कोषमा ३ अर्ब २३ करोड १ लाख ४२ हजार रुपैंया सञ्चित छ ।
... [बाणिज्य बैंकहरुमा कसले कति देला बोनस शेयर ? (आंकलनसहित)] ...
उता नारायणी नेशनल फाइनान्स लिमिटेडलाई प्राप्ति गरे पश्चात् सनराइज बैंकले चुक्ता पूँजी ३ अर्ब ९७ करोड रुपैंया २०७३ आषाढ मसान्त सम्मको जगेडा कोष र गत बर्षको खुद नाफाबाट ३३.३३ प्रतिशत बोनस शेयर वितरण गर्ने निर्णय गरिएको उल्लेख हो । सनराईजले एक अर्ब बत्तीस करोड त्रिपन्न लाख अठ्चालीस हजार आठ सय रुपैयाँ बोनस वापत पूँजीकृत गर्ने भएको छ । बोनस बितरण पश्चात बैंकको चुक्ता पूँजी ५ अर्ब २९ करोड रुपैंया नाघ्ने छ ।
बैंकका अनुसार आयकर ऐनको दफा ४७ क अनुसार मर्जर तथा प्राप्ती गर्ने वित्तीय संस्थाहरुको हकमा दुईवर्ष सम्म लाभांश बितरणमा लाभांश कर नलाग्ने व्यवस्था रहेकोले त्यसको लाभ समेत लगानीकर्ताले लिन पाउने भएका छन् । गत आर्थिक वर्ष बैंकले नारायणी नेशनल फाइनान्सलाई प्राप्त गरेकोले शेयरधनीहरुको प्राप्ति अघि सम्म कायम शेयरमा लाभांश कर नलाग्ने र सो पश्चात् प्राप्त गरेको शेयरको हकमा लाग्ने लाभांश कर सम्बन्धित शेयरधनीहरु स्वयंले ब्यहोर्ने गरी त्यस्तो कर रकम वोनस शेयर वितरण गर्ने वखत असुल गर्ने प्रस्ताव पारित गरिएको जनाईएको छ ।
गत बर्ष नारायणी नेशनल फाईनान्सलाई किनेको सनराईजले आफुले मात्रै ९५ करोड खुद नाफा गरेको थियो । उसले अघिल्लो बर्ष ४७ करोड मात्र खुद नाफा कमाएकोमा १०२ प्रतिशतले बृद्धि गरेको हो ।
चुक्ता पूँजी ८ अर्ब पुर्याउनका लागि बोनस बितरण पश्चात कायम हुने पूँजीको ३० प्रतिशत हकप्रद निष्काशन गरे पछि बैंकको चुक्ता पूँजी ६ अर्ब ८८ करोड नाघ्नेछ ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।