हिमालयन बैंकले सात सेयर बराबर एक (७ः१)को अनुपातमा एक सय रुपैया अंकित दरका ६४ लाख २७ हजार ३५० कित्ता हकप्रद सेयर निष्कासन गर्देछ । बैंकको हाल कायम चुक्ता पूँजी चार अर्ब ४९ करोड ९१ लाख ४५ हजार रुपैयाँ अर्थात १४ प्रतिशत हकप्रद बिक्री गर्न लागेको हो। हकप्रद वितरण पश्चात चुक्तापूँजी ५ अर्ब १४ करोड रुपैयाँ पुग्नेछ । बैंकले हकप्रद प्रयोजनका लागि यहि कात्तिक १० गते सेयरधनी दर्ता पुस्तिका बन्द गर्देछ । कात्तिक ९ गतेसम्म कायम शेयरधनीहरुले मात्र बैंकको हकप्रदमा आवेदन दिन पाउनेछन् ।
बैंकको हकप्रदमा यहि कात्तिक २३ गतेदेखि मंसिर ३० गतेसम्म आवेदन गर्न पाइनेछ । बैंकको शेयर निष्काशन तथा बिक्री प्रबन्धक लक्ष्मी क्यापिटल रहेको छ । लक्ष्मी क्यापिटल तथा हिमालयन बैंकको कमलादी शाखा बाहेक सबै शाखा कार्यालय मार्फत हकप्रद सेयरमा आवेदन गर्न सकिने बैंकले जनाएको छ ।
सेती फाईनान्सको १५० प्रतिशत हकप्रद
यस्तै कैलालीको टीकापुरमा मुख्य कार्यालय रहेको सेती फाईनान्सले पनि एक सेयर बराबर नयाँ एक दशमलव ५ अर्थात १५० प्रतिशतको अनुपातमा हकप्रद सेयर जारी गर्देछ । फाईनान्सको कार्तिक १० गते सेयरधनी दर्ता किताब बन्द हुने भएकाले कार्तिक ९ गतेसम्म सेयर किन्नेले मात्र हकप्रद सुरक्षित गनुपर्नेछ ।
फाइनान्सले एक सय रुपैयाँ अंकितदरका ९ लाख ५१ हजार ७८६ कित्ता हकप्रदसेयर बिक्री गर्दै छ । कम्पनीको बिक्री प्रबन्धकमा एनआइबिएल क्यापिटल रहेको छ ।
६ करोड ३४ लाख रुपैयाँ चुक्ता पूँजी भएको फाईनान्सको हकप्रद जारी गरेपछि चुक्ता पूँजी १५ करोड हाराहारीमा पुग्ने छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।