नेपाल धितोपत्र बोर्डले जनता बैंकद्धारा प्रस्तावित एक करोड तीन लाख कित्ता हकप्रदलाई असोज १९ गते स्वीकृत गरेको थियो ।
सेयरधनी दर्ता किताब बन्दको सूचना हेर्न यहाँ जानुहोस्
जनताले संस्थापक सेयरधनीलाई हकप्रद वापतको रकम अग्रिम रुपमा जम्मा गर्न कात्तिक १९ गतेसम्मको समय दिएको छ । त्यसपछि सर्बसाधारणले हकप्रद किन्न पाउने गरी सूचना आउने बुझिएको छ ।
जनता बैंकको हाल चूक्ता पूँजी २ अर्ब ६ करोड रहेकोमा अघिल्लो र गत बर्षको कमाईबाट बोनस सेयर बितरण गर्न बाँकी नै रहेको अबस्थामा हकप्रदबाट थपिने पूँजी जोड्दा तीन अर्ब ९ करोड रुपैयाँ पुग्ने छ ।
बैंकले गत आर्थिक बर्षमा साढे बत्तिस करोड खुद नाफा गरी प्रति सेयर आम्दानी १५ कायम गरेको छ भने अघिल्लो आर्थिक बर्षमा साढे १७ करोड रुपैयाँ जगेडा कोषमा छ । जनता बैंकले अन्य समकालीन बैंकले जसरी चुक्ता पूँजी र कमाई बढाउन नसके पनि सानिमा बैंकलाई उत्कृष्ट बैंक बनाउन भुमिका खेल्ने कुमार लम्साल नै हाल जनताको प्रमुख कार्यकारी रहेकाले लगानीकर्ताले आशा गर्ने ठाउँ छ ।
संस्थागत सुशासनमा समस्या नदेखिए जनता बैंकले चालु आर्थिक बर्षमा राम्रै प्रगति बिबरण पस्कनसक्छ । तर माछापुच्छ्रे बेंकले समेत गाभ्न नचाहेको अबस्था हेर्दा जनताको भर गर्नसक्ने अबस्था भने छैन ।
जनताले अन्य संस्थाहरुलाई गाभ्ने तथा किन्ने काममा सफलता हासिल नगरे राष्ट्र बैंकले तोकेको आठ अर्ब चुक्ता पूँजी कसरी पुर्याउँला भन्ने प्रश्न छदैछ । जनतामा नेकपा एमाले निकटका लगानीकर्ताहरुको धेरै संस्थापक लगानी रहेको छ ।
