अरनिको डेभलपमेन्ट बैंक
अरनिको डेभलपमेन्ट बैंकले चालु आर्थिक वर्षको पहिलो त्रैमासमा खुद मुनाफा ८१ लाख ७२ हजार रुपैयाँ कमाएको छ । यो गत वर्षको सोहि अवधिको तुलनाभन्दा १ सय २७ दशमलव १८ प्रतिशतले बढी हो । बैंकले गत वर्षको सोहि अवधिमा ३५ लाख ९७ हजार रुपैयाँ कमाएको थियो ।
२५ करोड ७८ लाख रुपैयाँ चुक्ता पूँजी भएको अरनिको डेभलपमेन्ट बैंकले जगेडा कोषमा १३ करोड ८८ लाख रुपैयाँ राखेको छ । बैंकको खुद व्याज आम्दानी, संचालन मुनाफा बढेपछि नाफा बढेको हो ।
निष्क्रिय कर्जा १ दशमलव ६४ प्रतिशत रहेको बैंकले प्रोभिजनमा ९० लाख २६ हजार रुपैयाँ राखेको छ भने खराबकर्जा २९ लाख ७७ हजार रुपैयाँ उठाउन सफल भएको छ ।
बैंकको प्रतिशेयर आम्दानी १२ दशमलव ६८ रुपैयाँ (वार्षिक), मूल्य आम्दानीको अनुपात २९ दशलमव १८ गुणा, प्रतिशेयर नेटवर्थ १ सय ५३ दशमलव ८५ रुपैयाँ र तरलता अनुपात ३७ दशमल ३९ प्रतिशत रहेको छ ।
त्रिवेणी विकास बैंक
त्रिवेणी विकास बैंक लिमिटेडले चालु आर्थिक वर्षको पहिलो त्रैमासमा खुद मुनाफा २ करोड ४९ लाख रुपैयाँ कमाएको छ । यो गत वर्षको सोहि अवधिको तुलनाभन्दा ८० दशमलव ४६ प्रतिशतले बढी हो । बैंकले गत वर्षको सोहि अवधिमा १ करोड ३८ लाख रुपैयाँ कमाएको थियो ।
८२ करोड रुपैयाँ चुक्ता पूँजी भएको त्रिवेणी विकास बैंकले जगेडा कोषमा ४४ करोड ४२ लाख रुपैयाँ राखेको छ ।
बैंकको निष्क्रिर्य कर्जा २ दशमलव १३ प्रतिशत रहेको छ । बैंकको प्रतिशेयर आम्दानी १२ दशमलव १६ रुपैयाँ (वार्षि्किकृत), मूल्य आम्दानीको अनुपात ४१ दशलमव १९ गुणा, प्रतिशेयर नेटवर्थ १ सय ५४ दशमलव १८ रुपैयाँ र तरलता अनुपात २२ दशमल ९७ प्रतिशत रहेको छ ।
कञ्चन डेभलपमेन्ट बैंक
यसैगरी कञ्चन डेभलपमेन्ट बैंक लिमिटेडले चालु आर्थिक वर्षको पहिलो त्रैमासमा ८१ लाख ४० हजार रुपैयाँ खुद मुनाफा कमाएको छ । जुन गत वर्षको सोहि अवधिको तुलनाभन्दा ६ दशमलव ३० प्रतिशतले बढी हो । बैंकले गत वर्षको सोहि अवधिमा ७६ लाख ५७ हजार रुपैयाँ कमाएको थियो ।
१९ करोड ८० लाख रुपैयाँ चुक्ता पूँजी भएको बैंकले जगेडा कोषमा ९ करोड ४६ लाख रुपैयाँ राखेको छ । बैंकको निष्क्रिय कर्जा २ दशमलव ९० प्रतिशत रहेको छ । बैंकको प्रतिशेयर आम्दानी १६ दशमलव ४४ रुपैयाँ (वार्षिक), प्रतिशेयर नेटवर्थ १ सय ४७ दशमलव ७८ रुपैयाँ र तरलता अनुपात २२ दशमल ५० प्रतिशत रहेको छ ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
