शाखा विस्तार गर्ने क्रममा यसै साता मात्रै बैकले मोरङ्गको उर्लावारी र विराटनगरमा गरी दुईवटा शाखा विस्तार गरेको छ । आक्रामक प्रचार रणनीति अंगालेर एनआईसीले नौला खाले बचत तथा कर्जा योजनाहरु पनि ल्याईरहेको छ । खासगरी बैकिड. सेवाको ब्राण्डिड.मा उसको ध्यान गएको देखिन्छ । सस्तो ब्याज दरमा घरजग्गा र गाडी जस्ता चलनचल्तीका कर्जाहरु त हुने नै भए । एनआईसीले सेयर धितो कर्जा परिचालनलाई पनि उच्च महत्व दिएको छ ।
एनआईसी एशिया बैंकमा ७५ शाखाहरु र एक हजार दुई सय भन्दा बढी कर्मचारी छन् । ६९ वटा एटीएम मसिनहरु संचालनमा छन् । बैंक अफ एशियासँग मर्ज भएपछि उसको शाखा संजाल र कर्मचारी संख्या बढेको हो र त्यसलाई अझै बिस्तार गरेर लाखौ जनतालाई अत्याधुनिक बैंकिड. सेवा दिने सोच बैंकको छ ।
एनआईसी एशिया फाउन्डेशनमार्फत संस्थागत सामाजिक उत्तरदायित्व पनि उसले प्रभावकारी रुपमा निर्बाह गरिरहेको छ । दर्जनौ शैक्षिक तथा सामाजिक संस्थाहरु एनआईसी एशिया बैंकको सहयोगबाट लाभान्वित भएका बैंकका सूचना अधिकारी भानु दवाडी बताउँछन् । कम्पनीको बार्षिक नाफाको ०.५ प्रतिशत नाफा संस्थागत सामाजिक उत्तरदायित्व अन्तर्गत खर्च गर्न छुट्याईने गरेको उनको भनाई छ ।
एनआईसी एशिया बैंकले गत बर्ष उल्लेखनीय रुपमा बोनस र हकप्रद सेयर जारी गरी चुक्ता पूँजी पाँच अर्ब ८१ करोड पुर्याएको छ । एनआईसीको यस आर्थिक बर्षको पहिलो त्रैमासको बित्तीय बिबरण अनुसार ७२ अर्ब निक्षेप संकलन गरेर ६१ अर्ब कर्जा परिचालन गरिएको छ । संचालन नाफा ७८ प्रतिशतले बढेको छ । ७३ प्रतिशतले खुद नाफा बढाएर बैंकले २६ करोड रुपैयाँ त्रैमासिक अबधिमा कमाएको छ । झण्डै ५० प्रतिशतले निस्क्रिय कर्जा घटाउन सकेको बैंकको प्रति सेयर आम्दानी १७ रुपैयाँ छ ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
