उहाँले डीडीएबाट आउने निचोडलाई पनि ध्यान दिने गरी दुबै बैंकको सेयर स्वाप रेसियो एक बराबर एक नै हुने समझदारी भएको समेत मेरोलगानी डटकमलाई जानकारी दिनुभयो ।
जनता बैंकले हाल ५० प्रतिशत हकप्रदका लागि सेयरधनी दर्ता किताब बन्द गरेर मंसिर १ गतेदेखि सेयर बिक्री गर्दैछ । यसपछि उसको चुक्ता पूँजी तीन अर्ब ९ करोड हुनेछ । बिगतका बर्षहरुको खुद नाफाबाट उसले हकप्रद पहिलेको पूँजीमा १८ प्रतिशतको हाराहारीमा बोनस सेयर दिनसक्छ ।
त्रिबेणीले भने हाल कायम ८२ करोड चुक्ता पूँजीमा ५० प्रतिशत हकप्रद जारी गर्न प्रक्रिया अघि बढाएको छ । उसले हकप्रद भन्दा पहिलेको चुक्ता पूँजीमा १९ प्रतिशत हाराहारीमा बोनस जारी गर्ने भएको छ । दुबै बैंकको चुक्तापूँजी जोड्दा मर्जपछि चार अर्ब ९० करोड हाराहारीमा पुग्नेछ भने बाँकी तीन अर्ब १० करोड पूँजी जुटाउन चालु आर्थिक बर्षको खुद नाफा बढाउने र अरु कम्पनीहरुलाई मर्ज वा एक्विजिशन गरी ल्याउने बिकल्प खुला नै राखिएको छ । मर्जरका लागि केही संस्थाहरुसँग कुराकानी जारी नै रहेको बुझिएको छ ।
माछापुच्छ्रे बैंकले गाभ्न अश्वीकार गरेपछि जनता बैंक पूँजी बृद्धिको विकल्प र मर्जरमा जाने साझेदारको खोजीमा भौतारिएको थियो । मर्जरको साझेदार पाएपछि जनता बैंक अरु बलियो बन्ने र थप पूँजी जुटाउन सहज हुने अपेक्षा गरिएको छ ।
