सहारा विकास बैंकको डेढ सय प्रतिशत हकप्रद
सहारा विकास बैंकले डेढ सय प्रतिशत अर्थात एक सय कित्ता बराबर १५० कित्ता हकप्रद शेयर जारी गरेको हो । भदौ २२ गतेसम्म कायम बैंकका शेयरधनीले मात्र हकप्रदमा आवेदन दिन पाउनेछन् । यो बैंकको हकप्रद भर्ने आज (कात्र्तिक १८ गत ) अन्तिम दिन हो ।
कम्पनीको शेयर निष्काशन तथा बिक्री प्रबन्धकमा ग्लोबल आइएमई क्यापिटल रहेको छ । लगानीकर्ताले ग्लोबल आइएमई र सहारा विकास बैंकका सबै शाखाकार्यालय मार्फत आवेदन दिन पाउनेछन् ।
बैकले ३ करोड ५४ लाख रुपैयाँ बराबरको ३ लाख ५४ हजार कित्ता शेयर जारी गरेको हो । हाल बैंकको २ करोड ३६ लाख रुपैयाँ चुक्तापुँजी रहेको छ । हकप्रद निष्काशन पश्चात चुक्तापुँजी ५ करोड ९० लाख रुपैयाँ पुग्नेछ । तीनजील्ले विकास बैंकले ०७४ असारसम्म ५० करोड रुपैयाँ चुक्तापुँजी पुर्याउनुपर्ने हुन्छ । जसका लागि बैंकले २५ करोड ७८ लाख चुक्तापूँजी भएको सहयोगी विकास बैंकसँग मर्जरमा जाने सम्झौता गरिसकेको छ ।
लक्ष्मी लघुवित्तके शतप्रतिश हकप्रद
त्यस्तै लक्ष्मी लघुवित्तको पनि आजैबाट १ बराबर १ कित्ता हकप्रद शेयर बिक्री बन्द हुदै छ । असोज १४ गतेदेखि खुलेको हकप्रदमा भदौ २६ गतेसम्म कायम शेयरधनीले मात्र आवेदन दिन पाउनेछन् । आज कार्तिक १८ गते यो कम्पनी पनि हकप्रद भर्ने अन्तिम दिन परेको छ ।
कम्पनीको शेयर निष्काशन तथा बिक्री प्रबन्धकमा एनएमबि क्यापिटल रहेको छ । लगानीकर्ताले एनएमबि क्यापिटल, एनएमबि बैंकका शाखाकार्यालय तथा लक्ष्मी क्यापिटल मार्फत आवेदन दिन पाउनेछन् ।
अहिले ११ करोड चुक्ता पूँजी रहेको लघुवित्तको हकप्रद निष्काशन पश्चात चुक्ता पूँजी २२ करोड रुपैंया पुग्नेछ । गत आर्थिक वर्षमा ६ करोड २४ लाख ४६ हजार रुपैंया खुद नाफा कमाएको लघुवित्तको प्रतिशेयर आम्दानी ५६ रुपैंया ७७ पैसा रहेको छ ।