मुक्तिनाथले ३४ प्रतिशत बोनस सेयर घोषणा गरी राष्ट्र बैंकबाट स्वीकृति पाएर कार्तिक २४ गते सेयरधनी दर्ता किताब बन्द र मंसिर ४ गते साधारणसभा आब्हान गरेको छ । कम्पनीले कार्तिक २३ गतेसम्म सेयर किन्नेले बोनस सेयर र साधारणसभामा भाग लिन पाउने स्पष्ट रुपमा सूचनामा उल्लेख गरेको छ । कम्पनीले जारी गरेको ५० प्रतिशत हकप्रद भर्ने म्याद भने कार्तिक २५ गतेसम्म रहेको छ ।
सामाजिक संजालमा केही समूहहरुमा मुक्तिनाथको ५० प्रतिशत हकप्रद भर्नेले समेत प्रस्तावित बोनस पाउने र बोनस सेयर २२.६ प्रतिशत मात्र कायम हुने हल्ला चलाएका छन् । हकप्रद सेयर भर्ने म्याद नै कार्तिक २५ गतेसम्म रहेकाले कस कसले हकप्रद भर्छन भन्ने यकिन अहिले नै हुनसक्दैन भने त्यसरी हकप्रद भर्नेले बोनस सेयर पाउने प्रश्नै आउँदैन ।
मुक्तिनाथले साधारणसभाको सूचनामै स्पष्ट रुपमा भनेको छ:
मुक्तिनाथ बिकास बैंकका प्रमुख कार्यकारी भरत ढकालले हकप्रदको आबेदन गर्ने म्याद २५ गतेसम्म रहेको र त्यो बाँडफाँड नभईसकेको अबस्थामा कसैले चाहेर पनि हकप्रदलाई बोनस सेयरमा हिस्सेदार बनाउन नमिल्ने स्पष्ट पार्नुभयो । उहाँले ३४ प्रतिशत बोनस सेयरको मात्रामा थपघट हुने कुनै संभावना नभएकाले गलत रुपमा चलाईएका हल्लामा नलाग्न सम्बन्धित सबैलाई आग्रह गर्नुभयो ।
मुक्तिनाथको सेयर रजिष्ट्रार एनआईबीएल क्यापिटलका डीजीएम कबिन्द्रध्वज जोशीले नेपाल स्टक एक्सचेन्जमा मूल्ल्य समायोजन हुँदा प्रतिशत कम हुने तर ५० प्रतिशत हकप्रदले बोनस सेयर नपाउने पक्का हो भन्नुभयो । उहाँले कार्तिक २५ गतेसम्ममा हकप्रदको आबेदन दिनसकिने र मंसिर ४ गते साधारणसभासम्ममा हकप्रद सेयर बाँडफाँड नै नभईसक्ने हुनाले हकप्रदले बोनस पाउँछ भन्ने गलत हल्लामा नलाग्न अपील गर्नुभयो ।
गलत हल्ला चलाउनेहरुबाट सतर्क भएर सर्बसाधारण लगानीकर्ताले आफ्नो निर्णयमा जोखिम आँकलन गरी सेयर किनबेच गर्नुपर्ने देखिएको छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।