एनसीसी बैंकसँगको मर्जर प्रक्रिया टुटेपछि कुमारी बैंकले अन्य कम्पनीहरुलाई किन्नुका साथै आफै हकप्रद जारी गरेर पूँजी थप्ने प्रक्रिया अघि बढाएको हो । बैंकले ७४ आषाढसम्म राष्ट्र बैंकले तोके बमोजिम आठ अर्ब पूँजी पुर्याउन ५० प्रतिशत हकप्रदको प्रस्ताव अघि सारेको हो ।
हाल बैंकको २ अर्ब ६९ करोड ९१ लख रुपैयाँ चुक्तापूँजी रहेको छ । पचास प्रतिशत हकप्रद वितरण गरेपछि बैंकको पूँजी चार अर्ब चार करोड रुपैयाँ पुग्नेछ । गत आर्थिक बषर्मा ७४ करोड खुद नाफा कमाएको बैंकले लाभांस घोषणा गर्न बाँकी नै छ । गतबर्षको बोनसबाट पनि बैंकको पूँजी केही थपिनेछ ।
साथै कुमारीले काष्ठमण्डप, महाकाली, काँक्रेबिहार विकास बैंक र पश्चिमाञ्चल फाइनान्सलाई एक्वायर गर्ने सम्झौता गरिसकेको छ ।
काष्ठमाण्डपको चुक्ता पूँजी ६७ करोड ९८ लाख रुपैयाँ रहेको छ भने महाकाली विकास बैंकको चुक्ता पूँजी १२ करोड ७२ लाख रुपैयाँ रहको छ । त्यस्तै पश्चिामाञ्चल फाइनान्सको चुक्ता पूँजी ३० करोड रुपैयाँ रहेको छ भने काक्रे विहार विकास बैंकको ६ करोड रुपैयाँ पूँजी रहेको छ ।
यसैबीचमा काष्ठमण्डपले २५ प्रतिशत हकप्रद पनि बिक्री गर्देछ ।
यी ४ वटा संस्थालाई एक्वायर गरेपछि कुमारी बैंकको चुक्ता पुँजी ६ अर्ब रुपैयाँ पुग्नेछ । एक्वायरपछि बन्ने संस्थाको निक्षेप ५० अर्ब र कर्जा ४० अर्ब रुपैयाँ पुग्ने छ । यसैगरी, देशभर ७४ वटा शाखा पुग्नेछन् ।
साथै सभाले बैंकको अधिकृत पूँजी दश अर्ब पुर्याउने प्रस्ताव पारित गरेको छ ।
...................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
