जीवन बिमा क्षेत्रमा दोस्रो बरियतामा रहेको मानिने नेशनल लाईफले हाल कायम चुक्ता पूँजी एक अर्ब एक करोडको ३० प्रतिशत बोनस सेयर लगानीकर्तालाई बाड्ने प्रस्ताव गरेको हो । उसले बोनस सेयरको कर प्रयोजनका लागि अलग्गै रकमको ब्यवस्था पनि गरेको छ ।
यसपछि शतप्रतिशत हकप्रद जारी गर्दा चुक्ता पूँजी दुई अर्ब ६० करोड नाघ्ने छ ।
उसले बोनस पारित गराउन तथा हकप्रद जारी गर्ने स्वीकृति लिन मंसिर २९ गते २८ औं साधारणसभा बोलाएको छ । बोनस र हकप्रद प्रस्तावसँगै साधारणसभा समेत बोलाएकाले उसको प्रस्तावलाई बिमा समितिले समेत स्वीकार गरिसकेको संकेत मिल्दछ । बिमा समितिले स्वीकृति नदिई साधारणसभा गर्न पाईदैन ।
नेशनल लाईफले गत बर्ष बिमांकीय मुल्यांकन नुहँदै १४ करोड ९९ लाख खुद नाफा कमाएको थियो । यसले चालु आर्थिक बर्षको पहिलो त्रैमासमा पाँच करोड पाँच लाख खुद नाफा कमाएको बित्तीय बिबरण प्रकाशित गरेको छ । उसको जगेडा कोषमा ५८ करोड र जीवन बिमा कोषमा १५ अर्ब रुपैयाँ छ ।
सबै बिमा कम्पनीहरुले पुस मसान्तभित्र साधारणसभा गरिसक्नु पर्ने भएकाले बिमा कम्पनीहरुको बोनस सेयर र हकप्रद सेयर प्रस्ताव र साधारणसभाको मिति तोकिएको सूचना अब धमाधम आउन थाल्नेछ ।
बिमा कम्पनीहरुको पूँजी बृद्धि गर्ने सम्बन्धी बिमा ऐनको मस्यौदा अर्थ मन्त्रालयमा बिचाराधिन रहेको भए पनि बिमा कम्पनीहरु आफै चुक्ता पूँजी बढाउने दौडमा देखिएका छन् ।
..................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।