मितेरी डेभलपमेण्ट बैंकले पूँजी वृद्धिका लागि जारी गरेको ५० प्रतिशत हकप्रद शेयरको बिक्री आज सकिदैछ । बैंकका सेयरधनीले आज बैकिङ् समयभित्रमा आवेदन गरिसक्नु पर्नेछ । त्यस्तै नागबेली लघुवित्त विकास बैंकको ५० प्रतिशत हकप्रदका लागि आज सेयरधनी दर्ता पुस्तिका बन्द गरेको छ साथै नेप्सेले सेयरमूल्य समेत समायोजन गरेको छ ।

३० प्रतिशत बोनस प्रस्ताव गरेको मितेरी डेभलपमेण्ट बैंकले १० लाख ५६ हजार कित्ता हकप्रद सेयर बिक्री खुला गरेको थियो । गत असोज ५ गतेसम्म शेयर किनेका लगानीकर्ताले मात्र मंसिर ५ गतेसम्ममा हकप्रदका लागि आवेदन गर्न पाउनेछन् ।

बैंकको हकप्रद शेयरको आवेदन प्रभु क्यापिटल, कमलादी, मितेरी डेभलपमेण्ट बैंकको मुख्य कार्यालय धरान तथा सबै शाखामा बुझाउन सकिनेछ ।

२१ करोड १२ लाख ७४ हजार रुपैंया चुक्ता पूँजी रहेको बैंकको हकप्रद निष्काशन पश्चात चुक्ता पूँजी ३१ करोड ६८ लाख रुपैंया नाघ्नेछ भने प्रस्तावित बोनस समेत वितरण गरे पछि पूँजी ३८ करोड रुपैंया बढी हुनेछ ।

नागबेली लघुवित्त

नागबेली लघुवित्त विकास बैंकको ५० प्रतिशत हकप्रदका लागि आज सेयरधनी दर्ता पुस्तिका बन्द भएको छ । साथै नेप्सेले सेयरमूल्य समेत समायोजन गरेको छ । ५० प्रतिशत हकप्रद समायोजन गरेपछि नेप्सेले नागबेलीको प्रतिकित्ता सेयरमूल्य ३ हजार ३ सय ७ रुपैयाँ तोकेको छ ।

गत आर्थिक वपर्षको कमाईबाट लगानीकर्तालाई ६० प्रतिशत बोनस तथा २० प्रतिशत नगद लाभांस बितरणको प्रस्ताव गरेको लघुवित्तले साधारण सभाको मिति भने निर्धारण गरिसकेको छैन ।

२ करोड ५० लाख रुपैंया मात्र चुक्ता पूँजी रहेको लघुवित्तको हकप्रद निष्कासन तथा बोनस बितरण पश्चात चुक्ता पूँजी ५ करोड २५ लाख रुपैंया पुग्नेछ ।

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।