एनएमबि बैंक(NMB)को अन्तराष्ट्रिय साझेदार नेदरल्याण्डको एफएमओ कम्पनीले ९४ लाख कित्ता सेयर प्रिमियममा मूल्यमा किनेको छ । यो सँगै एफएमओको एनएमबि बैंकमा २० प्रतिशत संस्थापक हिस्सेदारी कायम भएको छ । एफएमओले प्रतिकित्ता एक सय रुपैयाँमा १५० रुपैयाँ प्रिमियम थपरे २५० रुपैयाँका दरले ९४ लाख कित्ता सेयर किनेको हो ।

एनएमबिले पाथिभरा, भृकुटी, क्लिन ईनर्जी र पुडेन्सियल फाइृनान्सलाई आफुमा गाभ्ने क्रममा राष्ट्र बैंकबाट अन्तिम स्वीकृति लिंदा एफएमओको २० प्रतिशत हिस्सेदारी कायम गर्ने शर्त तोकिएको थियो । मर्जरअघि १४ प्रतिशत सेयर रहेको एफएमओको मर्जरपछी घटेर तीन प्रतिशत कायम भएको थियो । 

हाल एनएमबी बैंकको चुक्ता पूँजी ४ अर्ब ४८ करोड रहेकोमा अब साढे पाँच अर्ब पुग्ने भएको छ । साथै प्रिमियम वापतको डेढ अर्ब रकम जगेडा कोषमा जानेछ । बैंकले चालु आर्थिक बर्षको पहिलो त्रैमासको वित्तीय विवरणमा यो रकम उल्लेख गरेर ५ अर्ब ४३ करोड पुँजी देखाएको छ । 

एफएमओले यसअघि तल्लो सोलु हाइड्रोपावर,डोल्मा इम्प्याक्ट फण्ड र नेपाल हस्पिटालिटी ग्रुपमा लगानी गरिसकेको छ । एफएमओ नेदरल्याण्ड सरकार समेतको लगानी रहेको अन्र्तराष्ट्रिय द्धिपक्षिय विकास बैंक हो ।

...................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।

...................................................................................................................................