पछिल्लो समय अधिक मात्रामा हकप्रद निष्काशनको प्रकृया चल्दा लगानीको चर्को भार व्यहोर्दै आएका लगानीकर्ताले कञ्चन डेभलपमेण्ट बैंकमा ५० प्रतिशत हकप्रद पछि फेरि ३० प्रतिशत हकप्रद भर्नु पर्ने भएको छ । हकप्रद किनेर लगानी थप्न नसकी कतिपय बैंकका संस्थापकहरु थला परेको बेला कन्चनले हकप्रदमाथि हकप्रदको प्रस्ताव गर्दा त्यो भार सो बैंकका लगानीकर्ताले थेग्न सक्लान कि नसक्लान भन्ने प्रश्न उब्जिएको छ ।
बैंकले गत आर्थिक वर्षको कमाईबाट लगानीकर्तालाई प्रस्ताव गरेको २५ प्रतिशत बोनस तथा ५० प्रतिशत हकप्रदका लागि एकै दिन शेयरधनी पुस्तिका बन्द गर्ने निर्णय गरेको छ ।
बैंकले गत आर्थिक वर्षको कमाईबाट लगानीकर्तालाई प्रस्ताव गरेको २५ प्रतिशत बोनस तथा एक दशमलव ३२ प्रतिशत नगद लाभांसको प्रस्ताव सहित पुस ९ गते साधारणसभा बोलाएको छ ।
केही दिन अघि धितोपत्र बोर्डबाट उक्त पूँजीको ५० प्रतिशत हकप्रद निष्काशको स्वीकृति पाएको बैंकले साधारण सभा तथा हकप्रद प्रयोजनका लागि मंसिर ३० देखि पुस ९ गतेसम्म शेयरधनी पुस्तिका बन्द गर्दैछ । बैंकले प्रकाशन गरेको साधारण सभाको सूचनामा हकप्रदको बुक क्लोज राख्न छुटेको भन्दै बैंकका प्रमुख कार्यकारी अधिकृत बिरुराम जोशीले फेरि अर्को सूचना निकाल्ने बताए ।
अहिले चुक्ता पूँजी १९ करोड ८० लाख रुपैंया रहेको बैंकले बोनस बिरण तथा हकप्रद निष्काशन पश्चात बन्ने चुक्ता पूँजी ३४ करोड ६५ लाखको फेरी ३० प्रतिशत हकप्रद निष्काशन गर्ने प्रस्ताव साधारण सभामा लैजाँदैछ । अहिले प्रतिशेयर आम्दानी १६ रुपैंया ४४ पैसा रहेको बैंकको बोनस बितरण र ५० प्रतिशत हकप्रद निष्काशन पश्चात पूँजीको आधारमा कमाई कस्तो अवस्थामा रहला भन्ने चासो बढ्दा अर्को ३० प्रतिशत हकप्रद पछि बन्ने ४५ करोड पूँजी पछि आम्दानीको अवस्था सन्तुलन गर्न समस्या पर्ने देखिन्छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................