यस अघि ८० प्रतिशत हकप्रद निष्काशन गरेको इन्स्योरेन्सले फेरी शतप्रतिशत हकप्रद निष्काशनको निर्णय गरेको थियो । एनबी समुहले धरासायी बनाएको ईन्स्योरेन्सलाई आइएमई समूहले किनेर स्वस्थ संस्थाको रुपमा 
स्थापित गर्ने क्रममा पूँजी वृद्धिलाई पनि प्राथमिकतामा राखेको इन्स्योरेन्सले १५ करोडको पूँजी २७ करोड रुपैंया बनाइसकेको छ । व्यवशाय बिस्तार तथा समग्र बीमा बजारको विकासमा सक्रिय हुने लक्ष्य सहित अघि बढेको कम्पनीले शतप्रतिशत हकप्रद जारी गरे पछि चुक्ता पूँजी ५४ करोड रुपैंया पुर्याउनेछ ।
बीमा व्यवशायको बजार शतप्रतिशत उदयीमान भएको भन्दै कम्पनीले आक्रामक रुपमा शहरी तथा दुर्गम क्षेत्रमा बीमा सेवा दिने लक्ष्यले शाखा बिस्तारलाई तिब्र बनाएको छ । यस क्रममा केही समय अघि एकै दिन तीन शाखा बिस्तार गरेको कम्पनीको कुल शाखा संख्या १७ पुर्याएको छ । सम्पर्क कार्यलय तथा सेवा काउण्टर सहित ३० स्थानबाट सेवा दिंदै आएको कम्पनीले ८० प्रतिशत हकप्रदका लागि आवेदन नपरेको शेयर लिलाम गरेर मात्र झण्डै ५ करोड रुपैंया प्रिमियम संकलन गरेको थियो । नेपाली बीमा बजारमा आफ्नो छुटृै पहिचान स्थापित गर्ने हेतुले कम्पनीले अल्पकालिन र दिर्घकालिन रणनीति बनाउंदै कम्पनीलाई आगामी पांच बर्ष भित्र एक उत्कृष्ठ कम्पनीको रुपमा स्थापित गर्दै शेयरधनीहरुलाई उचित मुनाफा दिने लक्ष्य लिएको कम्पनीका अध्यक्ष अम्बिकाप्रसाद पौडेलले बताए ।
कम्पनीले चालु आर्थिक वर्षको पहिलो त्रैमासमा १६ करोड २२ लाख रुपैंयाको बीमा शुल्क आर्जन गरेको छ । जबकी गत आर्थिक वर्षको सोही अवधिमा इन्स्योरेन्सले ५ करोड ५८ लाख रुपैंयाको मात्र बीमाशुल्क आर्जन गरेको थियो । समिक्ष अवधिमा इन्स्योरेन्सको व्यापार १ सय ९० प्रतिशतले बढेको हो । मंसिर २४ गतेसम्ममा २४ करोड रुपैंया बीमा शुल्क आर्जन गरी विभिन्न बैंक तथा वित्तीय संस्थामा ३२ करोड रुपैंया मुद्धती लगानी गरेको कम्पनीले जनाएको छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
