संघले मौलिक हस्तकलाका उत्पादनहरुको प्रर्दशनी र साना उद्योगीहरुको प्रर्बद्धन गर्न मेलाको आयोजना गरेकोे हो । भक्तपुरको सल्लाघारीमा हुने मेलामा घरेलु तथा साना उद्यमका उत्पादनहरुका साथमा शैक्षिक प्रदर्शनी, सूचना प्रविधि प्रदर्शनी, कृषि उत्पादनहरुको प्रदर्शनी, दैनिक उपभोग्य तथा घरायसी सामग्रीहरुको सुपथ मुल्य पसल लगायत जिल्लाको पर्यटन प्रवद्र्धनका लागि पर्यटकिय स्थलहरुको जानकारी तथा परम्परागत सा“स्कृतिक नाचगानको पनि प्रदर्शनी गरिएको छ ।
यसैगरी मेलामा विद्युतीय सामग्रीहरु तथा निर्माण सामग्रीहरुको विशेष स्टलहरुको व्यवस्था हुनेछ । त्यस्तै विभिन्न ब्राण्डका सवारी साधनहरुदेखि लिएर नेवारी मौलिक खानाका स्टलहरु समेत राखिएका छन् ।
मेलामा श्रीलंकाका २० भन्दा बढि स्टलहरु रहेका छन भने चीन, भारत, भुटान, वंगलादेश, पाकिस्तान, मलेसिया, संयुक्त अधिराज्य र संयुक्त राज्य अमेरिकाका उत्पादनहरुको प्रदर्शनी समेत रहेको छ ।
मेलाबाट औद्योगिक उत्पानहरुको प्रवद्र्धन तथा नविन सम्भावनाहरुको पहिचान र सदुपयोग भई भक्तपुर जिल्ला लगायत मुलुककै आर्थिक उत्थानमा नयां आयाम थप्ने कार्यमा सहायक सिद्ध हुने अपेक्षा गरिएको छ ।
मेला अवलोकनका लागि टिकट दर प्रति व्यक्ति पचास रुपैया कायम गरिएको छ भने विद्यार्थी कार्ड वाहकलाई तीस रुपैया लाग्नेछ । ८ वर्ष भन्दा मुनीका बालबालिका, ७० वर्ष भन्दा माथिका वृद्ध–वृद्धा र शारिरीक असक्षम व्यक्तिहरुलाई प्रवेश निशुल्क गरिने छ ।
छ दिनसम्म आयोजना हुने उक्त मेला अवधिभर करिब सत्तरी हजारदेखि नब्बे हजार जनाले मेलाको अवलोकन गर्ने अपेक्षा गरेको छ ।
...............................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
.............................................................................................................................
