शिखर ईन्स्योरेन्सले प्रस्ताव गरेका ६० प्रतिशत बोनस वापतको मूल्य समायोजन भएर प्रति कित्ता कारोबार मुल्य रु. २२५० तोकिएको छ । मुल्य समायोजन हुनु अघि शिखरको गत बिहीबार प्रतिकित्ता रु. ३६०० मा अन्तिम कारोबार भएको थियो ।
त्यसैगरी छिमेक लघुवित्तले घोषणा गरेको ४० प्रतिशत समायोजन भई प्रति कित्तामूल्य रु.१२५४ रुपैयाँ तोकिएको छ । गत बिहीबार सो कम्पनीको प्रति कित्ता रु १७५५ मा अन्तिम कारोबार भएको थियो ।
त्यसैगरी सगरमाथा फाईनान्सको ८० प्रतिशत हकप्रद समायोजन भई प्रतिकित्ता मूल्य रु २७६ तोकिएको छ । गत बिहीबार सो कम्पनीको प्रति कित्ता रु ४१७ मा अन्तिम कारोबार भएको थियो ।
त्यसैगरी नमस्ते बित्तीय संस्थाको २४ प्रतिशत बोनस र शत प्रतिशत हकप्रद पछि सेयर मूल्य प्रति कित्ता रु ३९३ तोकिएको छ । गत बिहीबार उसको मूल्य प्रति कित्ता रु ७८० मा अन्तिम काराबार भएको थियो ।
आजदेखि सेयर किन्नेले यी कम्पनीको घोषित बोनस र तथा हकप्रद पाउने छैनन् । समायोजित मूल्य भन्दा दुई प्रतिशत तलमाथि भएर आईतबारको बजारमा यी कम्पनीको सेयर कारोबार हुनसक्छ ।
