फाइनान्सले गत आर्थिक वर्षको कमाईबाट १४ प्रतिशत बोनस तथा कर प्रयोजनका लागि शुन्य दशमलव ७४ प्रतिशत नगद लाभांस बितरणको प्रस्ताव गरेको छ । साथै कम्पनीले अघिल्लो साधारणसभाबाट पारित गरेको १ सय ७५ प्रतिशत हकप्रद निष्काशनको लागि पनि एकसाथ सेयरधनी दर्ता पुस्तिका बन्द गर्ने सूचना जारी गरेको छ ।
कम्पनीका अनुसार बोनस र हकप्रदका लागि यहि पुष ९ गतेदेखि २९ गतेसम्म सेयरधनी दर्ता पुस्तिका बन्द हुने भएको छ । पुष ८ गतेसम्म कायम सेयरधनीले मात्र कम्पनीको बोनस र हकप्रद दाबी गर्न पाउनेछन् । कम्पनीलाई १ सय ७५ प्रतिशत हकप्रद जारी गर्न धितोपत्र बोर्डले स्वीकृति दिईसकेको छ ।
२५ करोड ६ लाख रुपैंया चुक्ता पूँजी रहेको फाइनान्सले गत आर्थिक वर्षमा ३ करोड ३० लाख ७१ हजार रुपैंया खुद नाफा कमाएको थियो । कम्पनीले चालु आर्थिक बर्षको पहिलो त्रैमासमा ९० लाख ४८ हजार रुपैयाँ कमाएर प्रति सेयर आम्दानी १४ रुपैयाँ ४८ पैसा कायम गरेको छ ।
१ सय ७५ प्रतिशत हकप्रद निष्काशन तथा बोनस बितरण पश्चात फाइनान्सको चुक्ता पूँजी ७२ करोड ४३ लाख रुपैंयाको हाराहारीमा पुग्नेछ ।धेरैैै अनुपातमा हकप्रद आएकाले मूल्य उचालिएर सेयर किन्नु चाँही त्यति फाईदाजनक नहुनसक्छ ।
यस बर्षको खुद नाफाबाट बोनस दिएर उसले राष्ट्र बैंकले तोकेको चुक्ता पूँजी ८० करोड पुर्याउने देखिन्छ ।
