हकप्रदको मूल्य समायोजन हुँदा नेप्सेबाट हकप्रदलाई समेत गणना गरिने गरेकाले लगानीकर्ताहरु अन्योलमा पर्ने गरेका छन् । बिगतमा मितेरी र मुक्तिनाथ बिकास बैंकको बोनस सेयर वापतको मूल्य समायोजनमा पनि यस्तै अन्योल उत्पन्न भएको थियो ।
माछापुच्छ्रे बैंकका कम्पनी सचिव टीका भट्टराईले मेरो लगानीसँग कुरा गर्दे हकप्रदले बोनस नपाउने जानकारी दिए ।
‘अहिले बैंकले बिक्री गरिरहेको ५० प्रतिशत हकप्रद भर्ने म्याद पुष २४ गतेसम्म छ । त्यसपछि हकप्रद बाँडफाँड र सूचिकृत गर्दा निक्कै लामो समय लाग्नसक्छ । हामीले नेप्सेमा जानकारी गराउदा पनि हकप्रदले नपाउने नै भनेका हौ । मूल्य समायोजन गर्दा हकप्रदलाई गणना गरेपनि हकप्रदले बोनस पाँउदैन- उनले भने ।’
गतबर्षको कमाईबाट २०.७५ प्रतिशत बोनस प्रस्ताव गरेको बैंकले बोनस लगायतका प्रस्ताव पारित गर्न पुष २२ गतेका लागि साधारणसभा बोलाएको छ ।
आइतबार नेप्सेले हकप्रदलाई समेत गणना गरेर बोनस १३.८३३ अनुपात कायम गरी सेयर मूल्य ४५२ रुपैयाँ प्रति कित्ता कायम भएको जनाएको छ ।
नेप्सेको द्धिविधापूर्ण सूचनाले मेरोलगानी डटकमको यसअघिको समाचारमा अन्यथा पर्न गएकोमा सच्याईएको छ । -सम्पादक