तीन जिल्ले यो बैंकले आफै ५० करोड पुँजी पूर्याएर तीन जिल्लेमै टिकिरहन हकप्रद माथि हकप्रदको प्रस्ताव अघि सारेको हो । बैंकको आगामी साधारण सभाले पारित गरेपछि निमायक निकायको अनुमति पश्चात हकप्रद बिक्री खुला गरिनेछ ।
बैंकले गत श्रावण १९ गतेदेखि असार २१ गतेसम्म तीन कित्ता बराबर २.०८ को अनुपातमा ८ लाख २० हजार कित्ता हकप्रद शेयर बिक्री गरेको थियो । जसमा नबिकेको ७४ हजार ८४ कित्ता सेयर बैंकले लिलाम समेत गरिसकेको छ ।
अघिल्लो बर्षको मुनाफाबाट २३ प्रतिशत बोनस र ३:२.०८ अनुपातमा हकप्रद बिक्री गरेर बैंकले २१ करोड ९७ लाख रुपैयाँ चुक्तापूँजी पुर्याएको छ ।
गत श्रावाणमा हकप्रदमा नबिकेको सेयर लीलामीपछि बैंकको पूँजी २२ करोड ७१ लख पुगेको र गतबर्षको १४.५ प्रतिशत बोनस र फेरि हकप्रद बिक्री गर्दा ४४ करोड रुपैयाँ पुँजी पुग्ने बैंकका प्रमुख कार्यकारी अधिकृत लालबहादुर थिङले जानकारी दिए । बैंकले चालु आर्थिक बर्षको बोनस बाट ५० करोड पूँजी पुर्याउने योजना बनाएको छ ।
तीन जिल्ला मात्रै कार्य क्षेत्र भएकाले अल्पाईनले चुक्ता पूँजी २०७४ असारसम्ममा ५० करोड पुर्याए पुुग्छ ।
मकवानपुरमा ६, चितवनमा ४ र काभ्रेमा ४ शाखा संचालन गरिरहेको अल्पाईनले ग्रामिण तहमा लघुवित्त शैलीमा बिना धितो कर्जा प्रबाह गरेर लघुबित्त संस्थाहरुसँग प्रतिस्पर्धामै उत्रिएको छ ।
