जनता बैंकको हकप्रद भर्ने म्याद आजसम्म तोकिएकोमा उल्लेखनीय रुपमा आबेदन नपरेपछि पाँच दिन म्याद बढाएर पुस १० गतेसम्म आबेदन गर्न सकिने गरी सार्वजनिक सूचना जारी गरेको छ ।
तपाईले गत कात्तिक १० गते वा त्यस अघि जनता बैंकको सेयर खरिद गर्नु भएको हो भने मात्र हकप्रद भर्न पाउनु हुन्छ । आवेदन फारम तथा तथा तपाईको हकप्रदको विबरण यसै सामग्रीसँग उपलब्ध छ ।
जनता बैंकको सेयर बिक्री प्रबन्धक एनसीएम मर्चेन्ट बैंकिङ रहेको छ । बैंकका सेयरधनीले
एनसीएम मर्चेन्ट बैंकिङ लिमिटेड, कमलपोखरी सहित जनता बैंकका सम्पूर्ण शाखा कार्यालयहरूबाट आवेदन फारम पाउन र बुझाउन सक्नेछन् ।
जनता बैंक नेपालले प्रतिकित्ता एक सय रूपैयाँ अंकित मूल्यको एक करोड तीन लाख कित्ता हकप्रद सेयर सर्वसाधारणमा जारी गरेको थियो । गत कार्तिक १० गतेसम्म सेयर किनेका लगानीकर्ताले हकप्रद पुस पाँच गतेसम्म भर्न पाउने गरी बैंकले आवेदन खुला गरेको थियो । बैंकले हकप्रद प्रयोजनका लागि कात्तिक ११ गते सेयरधनी दर्ता पुस्तिका बन्द गरेको थियो ।
तपाईसँग जनता बैंकको सेयर भएर पनि कति भर्ने अन्यौलता छ भने यो लिंकमा गएर कति हकप्रद भर्न पाइन्छ थाहा पाउन सक्नु हुन्छ । साथै आवेदन फारमले समस्या छ भने यो लिंकमा गएर आवेदन फारम डाउनलोड गरी प्रिन्ट गरेर बुझाउन सक्नु हुन्छ । यहाँबाट डाउनलोड गरेर बुझाएको फारममा संकलन केन्द्रका तर्फबाट सिरियल नम्बर उल्लेख गराउन नभुल्नु होला ।
[हकप्रद भर्न छुट्ला है, हेर्नुहोस् कुन कम्पनीको कहिलेसम्म भर्नुपर्छ ? (आवेदन फारम र विबरण हेर्ने तरिका सहित)]
चुक्ता पूँजी दुई अर्ब ६ करोड रूपैयाँ रहेको बैंकको पचास प्रतिशत हकप्रद निष्काशन पश्चात चुक्ता पूजीँ तीन अर्ब नौ करोड रूपैयाँ पुग्नेछ । राष्ट्र बैंकले तोकेको पूँजी पुर्याउन हम्मे हम्मे पर्ने अवस्थामा रहेको जनता त्रिबेणी बिकास बैंकसँग मर्जमा जाने सम्झौता गरेका कारण दुवै बैंकको सेयर कारोबार रोक्का रहेको छ ।
जनताको हकप्रद तथा त्रिवेणीको बोनस बितरण पश्चात दुबै बैंक मर्ज भएर बन्ने बैंकको चुक्ता पूँजी झण्डै पाँच अर्ब पुग्ने जनाइएको छ । मर्जर पश्चात बैंकको शाखा संख्या ६५, निक्षेप ३५ अर्ब र ३२ अर्बको कर्जा लगानी पुग्ने बैंकले जनाएको छ ।
सेती फाईनान्सले एनआईबीएल क्यापिटल मार्फत निश्काशन गरेको एक कित्ता बराबर डेढ कित्ता दरको हकप्रदको आबेदन लिने कार्य बैंकिड. समयपछि बन्द हुने सूचना जारी गरेको छ । उसको हकप्रदका लागि एनआईबीएल क्यापिटलको कार्यालय लाजिम्पाट, ईन्भेष्टमेन्ट बैंकका शाखा कार्यालयहरु र सेती फाईनान्सका कार्यालयहरुबाट प्राप्त गरी बुझाउन सकिने छ ।
