एभरेष्ट बैंकको ७० प्रतिशत बोनस सुरक्षित गर्ने लगानीकर्ताले पुष ५ गते मंगलबार सम्ममा सेयर खरिद गरेको हुनुपर्छ । साथै बैंकले बोनस शेयर वितरण भएपछि कायम हुने चुक्ता पुँजीमा ३ बराबर १ को अनुपातमा हकप्रद वितरण गर्ने प्रस्ताव समेत गरेको छ ।
प्रस्तावित तीन बराबर एक कित्ता हकप्रद सेयर जारी गर्न साधारण सभाले अनुमति दिएर धितोपत्र बोर्डबाट स्वीकृत भए पछि मात्र अर्को पटक शेयरधनी दर्ता पुस्तिका बन्द हुनेछ । अहिले भएको शेयरधनी दर्ता पुस्तिका बन्दले बोनस बोनस सुरक्षित गर्दै साधारण सभामा भाग लिने आधार मात्र दिन्छ ।
हाल २ अर्ब ७४ करोड रुपैयाँ चुक्ता पुँजी रहेको बैंकको बोनस शेयर वितरणपछि चुक्ता पुँजी ४ अर्ब ६६ करोड रुपैयाँ पुग्ने छ । ३ बराबर एक हकप्रदपछि बैंकको चुक्ता ६ अर्ब २२ करोड रुपैयाँ माथि पुग्नेछ ।
बैंकले साधारण सभामा अन्य कुनै उपयुक्त संस्थासँग मर्ज तथा एक्विजिशनका लागि पनि मार्ग प्रशस्त गर्ने प्रस्ताव पारित गर्दैछ । बैंकले सर्वसाधारण सेयरधनीका तर्फबाट प्रतिनिधित्व गर्ने दुई जना सञ्चालकको निर्वाचन पनि गर्दैछ ।
हिमालयन बैंकको ३० प्रतिशत बोनस सुरक्षित गर्ने पनि आजै
हिमालयन बैंकले प्रस्ताव गरेको ३० प्रतिशत बोनस सेयर सुरक्षित गर्ने पनि आजै अन्तिम दिन हो । पौष २२ गते हुने साधारणसभा प्रयोजनका लागि बैकले पुष ६ गतेदेखि सेयरधनी दर्ता पुस्तिका बन्द गर्दे छ । बोनस लिन चाहने लगानीकर्ताले आजसम्म अर्थात पुष ५ गतेसम्म सेयर खरिद गरिसक्नुपर्नेछ ।
बैंक संचालक समितिको बैठकले प्रस्ताव गरेको यो बोनस हालै निश्काशन गरिएको हकप्रद सेयरले भने नपाउने स्पष्ट गरिएको छ । उसले बोनस सेयरको कर प्रयोजनका लागि अलग्गै नगद लाभांश पनि प्रस्ताव गरेको छ ।
बैंकको चार अर्व ९६ करोड चुक्तापुँजी रहेको छ । बोनसपछि पूँजी ६ अर्ब ४४ करोड रुपैयाँ पुग्नेछ । केहि समय अघि मात्र बैकले १४ प्रतिशत हकप्रद बिक्री गरेको छ । जसबाट ७० करोड रुपैयाँ बराबर पूँजी बढेको छ ।
बैंकले चालु आर्थिक बर्षको पहिलो त्रैमासमा ४३ करोड ८४ लाख खुद नाफा गरेर प्रतिसेयर आम्दानी ३८ रुपैयाँ ९८ पैसा कायम गरेको छ भने प्रतिसेयर नेटवर्थ २१७ रुपैयाँ ३३ पैसा रहेको छ ।