राष्ट्र बैंकले तोकेको आठ अर्ब चुक्ता पुँजी पुर्याउन ८० प्रतिशत हकप्रद निष्कासन गर्न लागेको बैंकले धितोपत्र बोर्डबाट अनुमति पाउने वित्तिकै सेयर बिक्री प्रक्रिया अगाडि बढाउने जनाएको छ ।
बैंकले तीन अर्ब २० करोड ९४ लाख ६ हजार नौ सय रूपैयाँको तीन करोड २० लाख ९४ हजार ६९ कित्ता हकप्रद सेयर निष्कासन गर्नेछ ।
बैंकको चुक्ता पूँजी हाल ३ अर्ब ३ करोड रहेकोमा ३२ प्रतिशत बोनस बितरण पछि चार अर्ब पुग्ने छ । त्यसको ८० प्रतिशत अर्थात १० बराबर ८ का दरले हकप्रद जारी भए पछि ७ अर्ब २० करोड हाराहारीमा हुनेछ ।
बैंकको सेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ ।
बैंकले चालु आर्थिक वर्षको पहिलो त्रैमासमा २२ करोड ५० लाख १९ हजार रूपैयाँ खुद नाफा कमाएको छ । बैंकको प्रतिसेयर आम्दानी २२ रूपैयाँ अनि प्रतिसेयर नेटवर्थ एक सय ५६ रूपैयाँ छ ।
